យុគសម័យ - ក្នុងជំនួបនេះ លោក ប្រាក់ សុខុន ឧបនាយករដ្ឋមន្រ្តីនិងជារដ្ឋមន្ត្រីក្រសួងការបរទេសនិងសហប្រតិបត្តិការបានវាយតម្លៃខ្ពស់ចំពោះសមិទ្ធផលសំខាន់ៗ របស់វៀតណាម ក្នុងបុព្វហេតុកសាងនិងអភិវឌ្ឍប្រទេសជាតិ ការធ្វើសមាហរណកម្មអន្តរជាតិរបស់វៀតណាម រួមទាំងការចូលរួមវិភាគទានដ៏សំខាន់នៃស័យការទូត សម្តែងនូវការជឿជាក់ថា ក្រោមការដឹកនាំរបស់លោករដ្ឋមន្ត្រី Bui Thanh Son ក្រសួងការបរទេសវៀតណាមនឹងបន្តទទួលបានសមិទ្ធិផលថ្មីជាច្រើនទៀត។
លោករដ្ឋមន្រ្តីក្រសួងការបរទេស Bui Thanh Son បានថ្លែងអំណរគុណដល់លោកឧបនាយករដ្ឋមន្រ្តីប្រាក់ សុខុន និងជារដ្ឋមន្រ្តីក្រសួងការបរទេសនៃប្រទេសកម្ពុជាដែលបានជួបពិភាក្សា និងអបអរសាទរលោក តាមរយៈទូរសព្ទ។ លោកបានសង្កត់ធ្ងន់ថា ប្រទេសវៀតណាមយកចិត្តទុកដាក់យ៉ាងខ្លាំងចំពោះការថែរក្សា ពង្រឹងនិងពង្រឹកទំនាក់ទំនងភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយនិងយូរអង្វែងរវាងវៀតណាមនិងកម្ពុជា។ អបអរសាទរប្រទចំពោះសមិទ្ធិផលនៃការអភិវឌ្ឍសេដ្ឋកិច្ច - សង្គមដែលប្រទេសកម្ពុជាសម្រេចបាន និងបានអះអាងថា នឹងសម្របសម្រួលយ៉ាងជិតស្និទ្ធជាមួយលោកឧបនាយករដ្ឋមន្រ្តីនិងជារដ្ឋមន្រ្តី ប្រាក់ សុខុន ក្នុងការជំរុញកិច្ចសហប្រតិបត្តិការរវាងប្រទេសទាំងពីរនិយាយជារួម និងរវាងក្រសួងការបរទេសទាំងពីរនិយាយជាដាច់ដោយឡែក។
លោករដ្ឋមន្ត្រីក្រសួងការបរទេសវៀតណាម Bui Thanh Son។ (រូបថត៖ ទីភ្នាក់ងារសារព័ត៌មានវៀតណាម) |
ភាគីទាំងពីរបានសន្យាថា នឹងបន្តសម្របសម្រួលរយ៉ាងជិតស្និទ្ធនៅវេទិកាក្នុងតំបន់និងអន្តរជាតិ។ អាស្រ័យហេតុនេះប្រទេសវៀតណាមបានគាំទ្រប្រទេសកម្ពុជា ក្នុងការរៀបចំកិច្ចប្រជុំកិច្ចសហប្រតិបត្តិការមហាអនុតំបន់មេគង្គលើកទី ៧ ប្រកបដោយជោគជ័យ (GMS-7) កិច្ចប្រជុំកំពូលអាស៊ី - អឺរ៉ុប (ASEM-13) និងតួនាទីជាប្រធានអាស៊ាន ២០២២ ។រដ្ឋមន្រ្តីទាំងពីរបានវាយតម្លៃខ្ពស់ចំពោះសន្ទុះអភិវឌ្ឍន៍នៃកិច្ចសហប្រតិបត្តិការរវាងប្រទេសទាំងពីរ ហើយឯកភាពបន្តកិច្ចសហប្រតិបត្តិការជិតស្និទ្ធនិងអនុវត្តប្រកបដោយប្រសិទ្ធភាពនូវការប្តេជ្ញាចិត្ត កិច្ចព្រមព្រៀងជាន់ខ្ពស់និងលទ្ធផលនៃសម័យប្រជុំលើកទី ១៨ នៃគណៈកម្មាធិការចម្រុះស្តីពីកិច្ចសហប្រតិបត្តិការសេដ្ឋកិច្ចវប្បធម៌ វិទ្យាសាស្ត្រនិងបច្ចេកទេស ុំបនបងរវាងវៀតណាមនិងកម្ពុជា (ខែធ្នូ ឆ្នាំ២០២០) ពង្រីកយន្តការពិគ្រោះយោបល់រវាងក្រសួងទាំងពីរឱ្យបានពេញលេញនិងលើកកម្ពស់ប្រសិទ្ធភាពនៃការគ្រប់គ្រងបណ្តាញព្រំដែននៃប្រទេសទាំងពីរ។
ក្នុងឱកាសបុណ្យចូលឆ្នាំប្រពៃណីជាតិខ្មែរ នៅពេលខាងមុខឆាប់នេះលោករដ្ឋមន្ត្រី Bui Thanh Son បានជូនពរលោកឧបនាយករដ្ឋមន្រ្តីនិងរដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិ ឆ្នាំថ្មីនឹងនាំមកសុខភាពល្អបរិបូរ មានសិរីមង្គលនិង ជោគជ័យលើគ្រប់ភារកិច្ច។
baoquocte.vn
មតិពីមិត្តអ្នកអាន