“The Taste of Angkor” ទទួលបានពានរង្វាន់ “សៀវភៅធ្វើម្ហូបអាស៊ីល្អបំផុត” នៅកម្មវិធី The Gourmand World Cookbook Awards 2021

ក្បាច់គុនវៀតណាមឈ្នះមេដាយមាស ៥ គ្រឿង ក្នុងការប្រកួត Online World Martial Arts Masterships 2021

វៀតណាមឈ្នះរង្វាន់ធំៗ នៃពានរង្វាន់ World Travel Awards (ពានរង្វាន់ទេសចរណ៍ពិភពលោក) ឆ្នាំ ២០២១

ពានរង្វាន់ The Gourmand World Cookbook Awards 2021 គឺជាប្រភពនៃមោទនភាព និងកិត្តិយសសម្រាប់កិច្ចខិតខំប្រឹងប្រែងរបស់ព្រះរាជាណាចក្រកម្ពុជា

ពិធី​ប្រគល់​រង្វាន់​បច្ចុប្បន្ន​ត្រូវ​បាន​ធ្វើ​ឡើង​នៅ​ទីក្រុង​ប៉ារីស​ពី​ថ្ងៃ​ទី២៩ ខែ​វិច្ឆិកា ដល់​ថ្ងៃ​ទី៦ ខែ​ធ្នូ ឆ្នាំ២០២១។ នេះ​បើ​តាម​សេចក្តី​ប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្តរជាតិ រសជាតិ​អង្គរ ដែល​ត្រូវ​បាន​ដាក់​បង្ហាញ​នៅ​ថ្ងៃ​ទី​១៨ ខែ​មករា ឆ្នាំ​២០២១ ដោយ​លោកឧបនាយករដ្ឋមន្ត្រី ប្រាក់ សុខុន រួមមានជម្រើសមុខម្ហូប និងបង្អែមខ្មែរចំនួន៣៨មុខ។ ការណែនាំលម្អិតដែលងាយស្រួលធ្វើតាម ដោយរួមបញ្ចូលការជំនួសគ្រឿងផ្សំរបស់ខ្មែរ ដែលអាចពិបាករកប្រភពពីបរទេស គឺជាចំណុចសំខាន់នៃសៀវភៅធ្វើម្ហូបបែបសិល្បៈនេះ។

“The Taste of Angkor” ដែលត្រូវបានផ្តល់ជូនសម្រាប់ការប្រើប្រាស់ផ្នែកការទូតកម្ពុជា និងដើម្បីប្រគល់ជាអំណោយដល់ឥស្សរជនបរទេស គឺជាការចូលរួមចំណែកដ៏ធំធេងរបស់រាជរដ្ឋាភិបាលកម្ពុជា ក្នុងការជំរុញផ្នែកម្ហូបអាហារ និងវប្បធម៌ការទូតរបស់ខ្លួន។

ពានរង្វាន់ The Gourmand World Cookbook Awards 2021 គឺជាប្រភពនៃមោទនភាព និងកិត្តិយសសម្រាប់កិច្ចខិតខំប្រឹងប្រែងរបស់ព្រះរាជាណាចក្រកម្ពុជា ដើម្បីឱ្យពិភពលោកបានស្គាល់ និងកោតសរសើរយ៉ាងពិតប្រាកដចំពោះមរតកដ៏អស្ចារ្យនៃបេតិកភណ្ឌធ្វើម្ហូបរាប់ពាន់ឆ្នាំរបស់កម្ពុជា។

ពានរង្វាន់ The Gourmand World Cookbook Awards ត្រូវបានបង្កើតឡើងក្នុងឆ្នាំ១៩៩៥ ដោយ Edouard Cointreau ជាមួយនឹងគោលដៅនៃការគាំទ្រប្រពៃណីធ្វើម្ហូបពីជុំវិញពិភពលោក។ ជារៀងរាល់ឆ្នាំ ពួកគេផ្តល់កិត្តិយសដល់សៀវភៅអាហារ និងស្រាល្អបំផុត ព្រមទាំងកម្មវិធីទូរទស្សន៍អាហារផងដែរ។ នៅឆ្នាំ ២០២១ មានប្រទេសចំនួន១៩៨ បានចូលរួមក្នុងការប្រកួតប្រជែងជាមួយនឹងការដាក់ពាក្យផ្ញើសៀវភៅធ្វើម្ហូបសរុបចំនួន៤០០០ ។

ការទូតម្ហូបអាហារគឺជាមូលដ្ឋានគ្រឹះមួយនៃយុទ្ធសាស្ត្រការទូតសេដ្ឋកិច្ច ២០២១-២០២៣ របស់ក្រសួងការបរទេស និងសហប្រតិបត្តិការអន្តរជាតិ។ គោលបំណងនៃយុទ្ធសាស្ត្រនេះគឺដើម្បីលើកកំពស់កិត្យានុភាពរបស់កម្ពុជានៅលើឆាកអន្តរជាតិ និងដើម្បីរួមចំណែកដល់ការសម្រេចបាននូវចក្ខុវិស័យរបស់រាជរដ្ឋាភិបាលកម្ពុជាសម្រាប់ឆ្នាំ ២០៣០ និង២០៥០។

ហេង វុធ្ធី