Trending now

លោកនាយករដ្ឋមន្រ្តីវៀតណាម Nguyen Xuan Phuc បានផ្ញើសារស្តីពីកម្មវិធីដាំដើមឈើចំនួន ១ ពាន់លានដើម

10:36 | 21/02/2021 (ប្រែសម្រួលដោយ ហេងវុធ្ធី)

យុគសម័យ - លោកនាយករដ្ឋមន្រ្តីវៀតណាម Nguyen Xuan Phuc បានស្នើឱ្យជ្រើសរើសសារជាផ្លូវការសម្រាប់កម្មវិធីដាំដើមឈើចំនួន ១ ពាន់លានដើមគឺ“ សម្រាប់ប្រទេសវៀតណាមពោរពេញទៅដោយពណ៌បៃតង” ។

លោកនាយករដ្ឋមន្រ្តីវៀតណាម Nguyen Xuan Phuc បានផ្ញើសារស្តីពីកម្មវិធីដាំដើមឈើចំនួន ១ ពាន់លានដើម

នាព្រឹកថ្ងៃទី២០ ខែកុម្ភៈ នៅខេត្ត Phu Yen នាយករដ្ឋ មន្រ្តីកាលពីខែវិច្ឆិកា ឆ្នាំ២០២០ នៅពេលអញ្ជើញថ្លែងនៅកិច្ចប្រជុំរដ្ឋសភា លោក នាយករដ្ឋមន្រ្តី Nguyen Xuan Phuc បានលើកឡើងគំនិតផ្ដួចផ្ដើមស្ដីពីការដាំដើមឈើ ចំនួន១ពាន់លានដើមក្នុងរយៈពេល៥ឆ្នាំ២០២១-២០២៥។ថ្លែងនៅពិធីបំផុស “បុណ្យតេតដាំដើមឈើ” ព្រឹកថ្ងៃទី២០ កុម្ភៈ នេះ លោក នាយករដ្ឋមន្រ្តីបានអះអាងថា៖ “នេះជាកម្មវិធីដោយមានអត្ថន័យដ៏ធំធេងដូចដែលពាក្យទូន្មានរបស់លោក ប្រធាន ហូជីមិញ។ ការងារនេះចំណាយប្រាក់តិច តែនាំមកនូវអត្ថប្រយោជន៍ច្រើន ដោយចូលរួមចំណែកយ៉ាងសំខាន់ដល់ការកែលម្អជីវភាពរស់នៅរបស់ប្រជាជន។ លោកប្រធានហូជីមិញ គឺជាអ្នកដំបូងដែលបានបំផុសបុណ្យតេតដាំដើមឈើ កាលពីថ្ងៃទី២៨ វិច្ឆិកា ឆ្នាំ១៩៥៩ ទោះបីជាពេលនោះ លោកប្រធានកំពុងជាប់មមាញឹក យ៉ាងខ្លាំងនឹងការតស៊ូសង្គ្រោះជាតិនិងការស្ថាបនាប្រទេសជាតិក៏ដោយ។ ដើម្បី ប្រទេសវៀតណាមមួយកាន់តែស្រស់បំព្រង ស្អាតបាត ឬប្រទេសវៀតណាមបៃតង មួយ គឺជាគោលដៅស្នូលនៃកម្មវិធីដាំដើមឈើ១ពាន់លានដើមនេះ”។

ឆ្លៀតឱកាសនេះដែរ លោកនាយករដ្ឋមន្រ្តី Nguyen Xuan Phuc ក៏បានអំពាវនាវ ឲ្យអង្គការនិងបុគ្គលនានាបន្តគាំទ្រ រួមដំណើរជាមួយបណ្ដាមូលដ្ឋាន ស្ថាប័ន ដើម្បី រីកសាយភាយ ជំរុញចលនាបុណ្យតេតដាំដើមឈើក្នុងទូទាំងប្រទេសផងដែរ។ លោក នាយករដ្ឋមន្រ្តីអញ្ជើញមានប្រសាសន៍ថា៖ “ក្នុងបុព្វហេតុកសាងនិងការពារមាតុប្រទេសដ៏មហិមារ មិនត្រឹមតែផ្ដោតសំខាន់ លើការអភិវឌ្ឍសេដ្ឋកិច្ចប៉ុណ្ណោះទេ ប៉ុន្តែសង្គមត្រូវមានភាពសុខសាន្តត្រាណ វប្បធម៌ ត្រូវមានការរីកចម្រើនយ៉ាងសម្បូរបែប បរិស្ថានត្រូវបានការពារ ហើយមនុស្សរួមរស់ជា មួយធម្មជាតិប្រកបដោយសុខដុមរម្យនាទៀតផង។ ធ្វើបានយ៉ាងដូច្នេះទើបប្រជាជន មានសុភមង្គលនិងក្ដីសុខសាន្តយ៉ាងពិតប្រាកដ។ ប្រជាជនវៀតណាមម្នាក់ៗ គ្រួសារ ស្ថាប័ន និងអង្គការនីមួយៗ ចាំបាច់ត្រូវរួមគ្នាបណ្ដុះពន្លកបៃតងនៃការរស់រានមានជីវិត នៃជំនឿជឿជាក់ចំពោះអនាគតដ៏ត្រចះត្រចង់របស់ប្រជាជាតិវៀតណាម”៕វៀតណាម លោក Nguyen Xuan Phuc បានអញ្ជើញចូលរួមពិធីបំផុស “បុណ្យតេតដាំដើមឈើ ដឹងគុណ លោកប្រធានហូជីមិញជារៀងរហូត និទាឃរដូវឆ្នាំឆ្លូវត្រីស័ក២០២១”។

ក្នុងថ្ងៃដដែលនេះ នៅទីក្រុង Tuy Hoa នាយករដ្ឋមន្រ្តីវៀតណាម លោក Nguyen Xuan Phuc និងក្រុមការងាររបស់រដ្ឋាភិបាលបានជួបធ្វើការជាមួយថ្នាក់ដឹកនាំ ខេត្ត Phu Yen អំពីស្ថានភាពអភិវឌ្ឍសេដ្ឋកិច្ចសង្គមនិងការទាក់ទាញវិនិយោគចំពោះ គម្រោងការណ៍សំខាន់ៗនៅតំបន់៕


(ប្រែសម្រួលដោយ ហេងវុធ្ធី)

(ប្រភពព័ត៌មាន: thoidai.com.vn)

(ប្រែសម្រួលដោយ ហេងវុធ្ធី)