អគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ គឺលោក ម៉ាក ឡូវឃុក បានថ្លែងនៅក្នុងសេចក្តីថ្លែងការណ៍ថា៖ «ឥទ្ធិពលគ្រោះមហន្តរាយ និងភាពជ្រួលច្របល់» នៃការឆ្លងវីរុសផ្លូវដង្ហើមកូរ៉ូណាដ៏ចម្លែកនេះ «នឹងធ្លាក់ចូលទៅក្នុងបណ្តាប្រទេសក្រីក្របំផុតនៅក្នុងពិភពលោក»។
លោក អង់តូនីញ៉ូ ហ្គុយតឺរេស កំពុងថ្លែងនៅអំឡុងពេលធ្វើសន្និសីទសារព័ត៌មានមួយ នៅទីស្នាក់ការអង្គការសហប្រជាជាតិ នៅក្នុងទីក្រុងញូវយ៉ក។ (ប្រភព៖ AFP)
អង្គការសហប្រជាជាតិកាលពីថ្ងៃព្រហស្បតិ៍បានចេញសេចក្តីអំពាវនាវថ្មីមួយសុំជំនួយចំនួន ៤,៧ ពាន់លានដុល្លារបន្ថែម ដើម្បី «ការពារអាយុជីវិតមនុស្សជាច្រើនលាននាក់ និងទប់ស្កាត់ការឆ្លងរាលដាលនៃវីរុសផ្លូវដង្ហើមកូរ៉ូណាប្រភេទថ្មីដ៏ចម្លែក នៅក្នុងប្រទេសដ៏ផុយស្រួយមួយចំនួនទៀតនៅក្នុងពិភពលោក»។
ទឹកប្រាក់នេះ គឺជាចំនួននៃ ២ ពាន់លានដុល្លារ ដែលអង្គការសហប្រជាជាតិបានអំពាវនាវនៅពេលខ្លួនបានចាប់ផ្តើមធ្វើផែនការឆ្លើយតបមនុស្សធម៌សកលរបស់ខ្លួនកាលពីថ្ងៃទី ២៥ ខែមីនា ហើយរហូតមកទល់ពេលនេះ ខ្លួនបានទទួលទឹកប្រាក់ប្រហែលពាក់កណ្តាលប៉ុណ្ណោះ។
អគ្គលេខាធិការរងអង្គការសហប្រជាជាតិទទួលបន្ទុកកិច្ចការមនុស្សធម៌ គឺលោក ម៉ាក ឡូវឃុក បានថ្លែងនៅក្នុងសេចក្តីថ្លែងការណ៍ថា៖ «ឥទ្ធិពលគ្រោះមហន្តរាយ និងភាពជ្រួលច្របល់» នៃការឆ្លងវីរុសផ្លូវដង្ហើមកូរ៉ូណាដ៏ចម្លែកនេះ «នឹងធ្លាក់ចូលទៅក្នុងបណ្តាប្រទេសក្រីក្របំផុតនៅក្នុងពិភពលោក»។
លោក ឡូវឃុក បានព្រមានថា៖ «បច្ចុប្បន្នប្រសិនបើយើងបានចាត់វិធានការ យើងគួរត្រូវបានរៀបចំសម្រាប់ការកើនឡើងនៅក្នុងជម្លោះដ៏សំខាន់មួយ ដូចជាការស្រេកឃ្លានអាហារ និងភាពក្រីក្រ និងការព្រួយបារម្ភអំពីការគំរាមកំហែងពីគ្រោះទុរ្ភិក្សកាន់តែច្រើនឡើងបន្ថែមទៀត»។
ទឹកប្រាក់ចំនួន ៦,៧ ពាន់លានដុល្លារទាំងមូល ត្រូវបានគេរំពឹងថា នឹងយកទៅចំណាយលើគម្រោងឆ្លើយតបមនុស្សធម៌ រហូតដល់ខែធ្នូ ខាងមុខនេះ។
គម្រោងថវិកានោះ បានផ្តល់អាទិភាពទៅឲ្យប្រទេសប្រហែលចំនួន ២០ នៅក្នុងនោះមានប្រទេសខ្លះ មានជម្លោះដូចជា ប្រទេស អាហ្វហ្គានីស្ថាន និងស៊ីរី ជាដើម។
ការអំពាវនាវសុំជំនួយជាថ្មីនេះបានកើតឡើង ខណៈដែលប្រទេសចំនួន ៩ ថែមទៀត ត្រូវបន្ថែមទៅក្នុងបញ្ជីមានដូចជា ប្រទេស បេណាំង ជីប៊ូទី លីបេរីយ៉ា ម៉ូហ្សំប៊ិក ប៉ាគីស្ថាន ហ្វីលីពីន សៀរ៉ាឡេអូន តូហ្គោ និងប្រទេស ហ្ស៊ីមបាវ៉េ។
យោងតាម UN បានឲ្យដឹងថាមូលនិធិទាំងនេះ នឹងត្រូវបានប្រើប្រាស់ ដើម្បីទិញបរិក្ខារពេទ្យសម្រាប់ធ្វើតេស្ត និងព្យាបាលអ្នកជំងឺផ្តល់កន្លែងលាងដៃធ្វើយុទ្ធនាការផ្តល់ព័ត៌មាន និងបង្កើតការដឹកជញ្ជូនតាមយន្តហោះជាលក្ខណៈមនុស្សធម៌ទៅអាហ្វ្រិក អាស៊ី និងអាមេរិកឡាទីន។
អង្គការនេះ ក៏មានបំណងបង្កើតកម្មវិធីថ្មីៗទៀត ដើម្បីធ្វើឲ្យល្អប្រសើរដល់ការប្រយុទ្ធប្រឆាំងនឹងអសន្តិសុខស្បៀង ដែលកំពុងកើនឡើងដោយសារវិបត្តិសេដ្ឋកិច្ច ដែលបង្កឡើងពីជំងឺកូវីដ ១៩៕
（សរុបដោយវិច្ឆិកា）
មតិពីមិត្តអ្នកអាន