Trending now

​តំបន់​ទេសចរណ៍​នៅក្នុង​ប្រទេស​អាស៊ានចំនួន ៣ កន្លែង ដែលមាន​អាកាសធាតុ​ត្រជាក់​ស្រស់ស្រាយ​ពេញ​មួយឆ្នាំ

05:42 | 10/07/2019 (សរុប ដោយ ស្រីព្រេជ)

យុគសម័យ - តើអ្នកដែលបានជ្រាបឬទេថា ប្រទេសខ្លះនៅក្នុងតំបន់ប្រទេសអាស៊ានក៏មានកន្លែងតំបន់ទេសចរណ៍ ដែលមានអាកាធាតុត្រជាក់ស្រស់ស្រាយពេញមួយឆ្នាំដែរ បើទោះបីជាស្ថិតនៅក្នុងរដូវក្ដៅក៏ដោយ។ នោះគឺ Sa Pa (វៀតណាម), Pyin Oo Lwin (មីយ៉ាន់ម៉ា) និង Dieng Plateau (ឥណ្ឌូនេស៊ី) ដែលតំបន់ទាំងបីនេះ នឹងនាំអារម្មណ៍លោកអ្នកមកស្គាល់ពីអាកាសធាតុត្រជាក់ សប្បាយៗ ហើយនៅមិនឆ្ងាយពីភ្នែករបស់លោកអ្នកប៉ុន្មានឡើយ។

១. SAPA​ នៃប្រទេស​វៀតណាម​

Sa Pa នៃប្រទេសវៀតណាម

តំបន់​ទេសចរណ៍​ធម្មជាតិ​មួយ​កន្លែង​ ដែល​កំពុងពេញនិយម​បំផុត​នៅ​ប្រទេស​វៀតណាម​នោះ​គឺ​ “សា​ប៉ា​” ដែល​មាន​អាកាសធាតុ​ត្រជាក់​ ខ្យល់​អា​កា​សវើ​តៗ​ សប្បាយ​ពេញ​មួយឆ្នាំ​។ សីតុណ្ហភាព​នៅ​ទី​នោះ​ប្រ​ម៉ា​ណត្រឹម​ ១៥​-១៦​ អង្សា​រតែប៉ុណ្ណោះ​ អម​ដោយ​ទស្សនីយភាព​នៃ​ភូមិ​ដ៏​ស្រស់​ស្អាត​ និង​ពោរពេញ​ទៅ​ដោយ​កន្លែង​ទេសចរណ៍​ជាច្រើន​កន្លែង​ទៀត​ ដែល​ភ្ញៀវ​ទេ​ចរ​អាច​ទស្សនា​វាលស្រែ​វែង​ដាច់​កន្ទុយភ្នែក​ដូចជា​កាំ​ជណ្ដើរ​ ទេសភាព​ទន្លេសាប​ ទឹកជ្រោះ​ ដែល​ជា​ទីឋាន​ដ៏​សែន​ស្រស់បំព្រង​ក្នុង​ក្ដី​ស្រមៃ​របស់​លោកអ្នក​។ ដោយសារតែ​កា​រស្វាម​គន៍​រាក់ទាក់​យ៉ាង​កក់ក្ដៅ​ចំពោះ​ភ្ញៀវ​ទេសចរ​ពីសំណាក់​ប្រជាជន​រស់នៅ​ក្នុង​តំបន់​នេះ​ ទើប​តំបន់​ទេសចរណ៍​ សា​ប៉ា​ បាន​ប្រែខ្លួន​ក្លាយជា​ទឹកដី​គោលដៅ​ទេសចរណ៍​ដាច់គេ​ក្នុង​ប្រទេស​វៀតណាម​។

២. Pyin​ Oo​ Lwin​ នៃប្រទេស​មីយ៉ាន់ម៉ា​

តំបន់​ទេសចរណ៍​ Pyin​ Oo​ Lwin

តំបន់​ទេសចរណ៍​ Pyin​ Oo​ Lwin​ ស្ថិតនៅ​ក្នុង​ទីក្រុង​ដែល​បាន​លាក់ខ្លួន​នៅ​កណ្ដាល​ជ្រលងភ្នំ​យក្ស​មួយ​ ដែល​បាន​ហ៊ុមព័ទ្ធ​ទៅ​ដោយ​ព្រៃ​ស្តុក​ ហើយ​មាន​កម្ពស់​ខ្ពស់​ជាង​ទឹកទន្លេ​ដល់ទៅ1,000​ម៉ែត្រ​ ជាហេតុ​ផល​មួយ​ដែល​ធ្វើ​ឱ្យ​នៅ​ទីនោះ​មាន​អាកាសធាតុ​ត្រជាក់​ស្រស់ស្រាយ​ពេញ​មួយឆ្នាំ​តែម្តង​។ បរិយាកាស​ដ៏​សែ​នរ៉ូ​មែន​ទិ​ក បូក​ផ្សំ​ជាមួយ​រទេះសេះ​ដ៏​គួរ​ឱ្យ​ទាក់ភ្នែក​ និង​ស្ថាបត្យកម្ម​ផ្ទះ​រចនា​បទ​គុមុ​យនី​សបែប​ផ្ទះ​អង់គ្លេស​ទៀត​នោះ​ គឺ​កាន់​តែ​ធ្វើ​ឱ្យ​លោកអ្នក​ចង់​ស្នាក់នៅ​ទីនោះ​រយៈពេល​យូរ​បំផុត​នៅក្នុង​រដូវ​កាល​ឈប់​សម្រាក​ម្តង​ៗ។

៣. Dieng​ Plateau​ នៃប្រទេស​ឥណ្ឌូ​នេ​ស៊ី​

Dieng​ Plateau​ នៃប្រទេស​ឥណ្ឌូ​នេ​ស៊ី​

ដែនដី​ឃ្លាំង​ស្រូវ​ឃ្លាំង​ទឹក​ដ៏​មាន​សារៈសំខាន់​របស់​ប្រទេស​ឥណ្ឌូ​នេ​ស៊ី​ អម​ដោយ​ផ្សែង​អ័ព្ទ​ព័ទ្ធ​ភ្នំ​យ៉ាង​ស្រស់​ត្រកាល​ បាន​សម្ញែងខ្លួន​នៅ​លើកំពូល​ភ្នំ​កម្ពស់2,093ម៉ែត្រ​ពី​កម្ពស់​ទឹកសមុទ្រ​។ អាកាសធាតុ​ត្រជាក់​ពេញ​មួយឆ្នាំ​នៅ​ក្នុង​តំបន់​ទេសចរណ៍​នេះ​ ដែល​ជា​កន្លែង​សំខាន់​គឺ​ ស្រះ​មរតក​ ( ស្រះទឹក​ប្រែ​ពណ៌​) និង​អាងទឹក​កំពូលភ្នំ​ភ្លើង​។ ក៏ប៉ុន្ដែ​ចំណុច​ពិសេស​របស់​ ដៀង​ផ្លា​តូ​ មួយទៀត​នោះ​គឺ​ ទេសភាព​មើលទៅ​ខាងក្រោម​ គឺ​មើល​ពីលើ​កំពូលភ្នំ​ចុះទៅ​ខាងក្រោម​ គឺ​ភ្ញៀវ​ទេសចរ​នឹង​បានឃើញ​បណ្ដុំ​ផ្ទះ​តំ​រៀប​គ្នា​ដូច​កាំជណ្ដើរ​ ជាទី​ទាក់ភ្នែក​ជា​ខ្លាំង​ គឺជា​ទិដ្ឋភាព​ដែល​មិនធ្លាប់​បានឃើញ​នា​ពេល​កន្លងមក​នោះ​ទេ​។

ដូច​ការ​រៀបរាប់​ពី​ខាងលើ​ និង​ទស្សនា​រូប​ភាព​ខ្លះ​ៗមួយចំនួន​ហើយ​នោះ​ តើ​អ្នក​សម្រេច​ចិត្ត​ចង់ទៅ​ទស្សនា​ប្រទេស​ណាមួយ​ដែរ​? តែ​កុំ​ភ្លេច​ថតរូប​សែល​ហ្វី​ស្អា​តៗ​បង្ហោះ​នៅ​លើ​បណ្ដាញ​សង្គម​ផង​ណា៎​។ ជួបគ្នា​ម្ដងទៀត​ សូម​រីករាយ​ជាមួយ​ដំ​ណើរ​កម្សាន្ដ​ដ៏​អស្ចារ្យ​របស់​អ្នក​ ជូនពរ​ឱ្យ​ការ​ធ្វើដំណើរ​របស់​អ្នក​ប្រកបដោយ​សេចក្តី​សុខ​ និង​មាន​សុវត្ថិភាព​៕

(សរុប ដោយ ស្រីព្រេជ)

(សរុប ដោយ ស្រីព្រេជ)

មតិពីមិត្តអ្នកអាន

ព័ត៌មានថ្មីៗ

ខេត្ត An Giang (វៀតណាម) និងខេត្តតាកែវ ពង្រឹងកិច្ចសហប្រតិបត្តិការ
ញាំបណ្ដូលខ្ចីនៃស្មៅបបោស - ម្ហូបពិសេសរបស់ជនជាតិ Cong (វៀតណាម)
ខេត្ត Bac Kan (វៀតណាម)៖ ពិធី Tai khoan ដ៏ពិសេសរបស់ជនជាតិ Nung
ការទូតបន្តរួមដំណើរ និងរួមចំណែកក្នុងការអភិវឌ្ឍសេដ្ឋកិច្ចសង្គមរបស់វៀតណាម
វៀតណាម៖ កងទ័ពការពារព្រំដែនខេត្ត Dak Lak រៀបចំកម្មវិធី «ខែមីនានៅតំបន់ព្រំដែន»