យុគសម័យ - ទីក្រុងស៊ីដនី ហុងកុង ឌូបៃ តែងតែជាប់ជាកន្លែងមើលកាំជ្រួចឆ្លងឆ្នាំស្អាតបំផុតរបស់ពិភពលោក ប៉ុន្តែទីក្រុងបាងកកក៏ជាប់ជាកន្លែងក្នុងការប្រារព្ធបុណ្យឆ្លងឆ្នាំដ៏ល្អបំផុតរបស់បញ្ជីពិភពលោកដែលធ្វើឲ្យអ្នកមិនអាចបំភ្លេចបាន។ នេះបើតាម CNN ទើបបានចុះផ្សាយ។ ខាងក្រោមនេះគឺជា១០ កន្លែងល្អបំផុតសម្រាប់ថ្ងៃឆ្លងឆ្នាំជុំវិញពិភពលោក៖
១. ទីក្រុងស៊ីដនី
ទីក្រុងស៊ីដនីប្រទេសអូស្ត្រាលីគឺជាទីក្រុងអន្តរជាតិដ៏សំខាន់ដំបូងគេដែលស្វាគមន៍ឆ្នាំថ្មី។ ការដុតកាំជ្រួចដ៏ស្រស់ស្អាតគ្មានគូប្រៀបនៅស៊ីដនីហាប៊័រ (Sydney Harbour) គឺជាអ្វីដែលមនុស្សតែងប្រាថ្នាទៅទស្សនាក្នុងឆាកជីវិត។
២. ទីក្រុងហុងកុង
ទិដ្ឋភាពដ៏ល្អឥតខ្ចោះនៃការដុតកាំជ្រួចនៅ Victoria Harbor ជាកន្លែងដែលមនុស្សកុះកររាប់ម៉ោងមុនការដុតកាំជ្រួចដើម្បីចាប់កន្លែងរង់ចាំមើលទស្សនីយភាពប្រចាំឆ្នាំ រួមនឹងការសម្ដែងសិល្បៈ របាំ ល្ខោនគឺជាអ្វីដែលនឹងធ្វើឲ្យអ្នកមិនអាចបំភ្លេចបាន។ ឆ្នាំនេះទីក្រុងហុងកុងគ្រោងនឹងចាយជិត២លានដុល្លារអាមេរិកដើម្បីដុតកាំជ្រួចអបអរឆ្នាំថ្មី។
៣. ទីក្រុងបាងកង
បាងកកល្បីល្បាញជាទីក្រុងរាត្រីដ៏ល្អបំផុតប្រចាំអាស៊ី។ Times Square, CentralWorld Plaza គឺជាកន្លែងប្រមូលផ្តុំដ៏សំខាន់មួយសម្រាប់ការប្រារព្ធពិធីឆ្លងឆ្នាំ និង កន្លែងប្រមូលផ្ដុំដ៏ពេញនិយមមួយផ្សេងទៀតគឺការដើរទិញឥវ៉ាន់និងតំបន់កម្សាន្តតាមបណ្តោយដងទន្លេចៅប្រះយ៉ា។
៤.ឌូបៃ
Burj Khalifa នៅក្រុងឌូបៃ ប្រទេសអារ៉ាប់រួមដែលជាអគារខ្ពស់បំផុតលំដាប់ទី១ (៨២៩,៨ម៉ែត្រ) នៅលើពិភពលោក គឺជាកន្លែងមើលកាំជ្រួចដ៏ស្រស់ស្អាតបំផុតបន្ទាប់ពី ស៊ីដនី និង ហុងកុង។
៥. ទីក្រុងម៉ូស្គូ
តំបន់ប្រវត្តិសាស្រ្ត Red Square នៅទីក្រុងមូស្គូជាកន្លែងត្រជាក់បំផុត ក៏ជាកន្លែងទាក់ទាញបំផុតក្នុងការមើលកាំជ្រួចបុណ្យឆ្លងឆ្នាំ។ Ritz-Carlton ប្រហែលជាទីកន្លែងដែលអ្នកមិនអាចខកខានប្រសិនបើអ្នកបានទៅដល់រុស្ស៊ី។
ខេបគឺជាទីក្រុងមួយស្រស់ស្អាតបំផុតនៅទ្វីបអាហ្វ្រិក និង សម្រាប់ពិភពលោក។ កាំជ្រួចថ្ងៃឆ្លងឆ្នាំថ្មីរឹតធ្វើឱ្យវាកាន់តែអស្ចារ្យ។ ខេប ទីក្រុងរបស់ប្រទេសអាហ្វ្រិកខាងត្បូងមួយនេះល្បីជាកន្លែងដែលមានអាហារឆ្ងាញ់ ពិសេសអាហារព័រទុយហ្គាល់។
ទិដ្ឋភាពដ៏រស់រវើកនៅតាមបណ្តោយដងស្ទឹង អមជាមួយកាំជ្រួចក្រហមច្រាលនៅលើទីក្រុងបណ្តែតទឹកមួយនេះ។ សំបុត្រមើលកាំជ្រួចកន្លែងរៀបចំផ្លូវការតែងលក់ដាច់លឿនបំផុត។ ប៉ុន្តែអ្នកនៅតែអាចមើលកាំជ្រួចដោយ free ដ៏ស្រស់ស្អាតពីទីទួលមួយចំនួនដូចជា៖ Primrose Hill, Parliament Hill, Greenwich Park និង Alexandra Palace ជាដើម។
៨. ទីក្រុង Rio de Janeiro
ប្រសិនបើអ្នកចង់ស្វាគមន៍ឆ្នាំថ្មីជាមួយនឹងអារម្មណ៍ដែលមានមនុស្ស២លាននាក់កំពុងអបអរជាមួយ Rio de Janeiro ជាទីក្រុងឆ្នេរដ៏កក់ក្តៅសម្រាប់ឆ្លងឆ្នាំរបស់ប្រទេសប្រេស៊ីល។ កន្លែងប្រមូលផ្តុំដ៏ទាក់ទាញស្ថិតនៅឆ្នេរ កូប៉ាខាបាណា អមទៅដោយទិដ្ឋភាពប្រពៃណី រួមមានសិល្បៈចម្រុះដ៏សម្បូរបែប និង កាំជ្រួចដ៏ស្រស់ស្អាត។
៩. ទីក្រុងញូវយ៉ក
Times Square នៅ មេនហាថាន់ (Manhattan) វាមានអត្ថន័យ ហាក់ដូចជាកន្លែងសម្រាប់ប្រារព្ធថ្ងៃចូលឆ្នាំថ្មីទាំងមូលរបស់សហរដ្ឋអាមេរិក។ មនុស្សប្រមាណជា១លាននាក់ប្រមូលផ្តុំជារៀងរាល់ឆ្នាំនៅទីនោះ។
១០. ឡាសវេហ្គាស
ឡាសវេហ្គាសគឺជាទីក្រុងដ៏ស្រស់ឆើតឆាយ ការតុបតែងលំអទៅដោយភ្លើងពណ៌ និង ការដុតកាំជ្រួចអបអរដ៏គគ្រឹកគគ្រេងនៅថ្ងៃឆ្លងឆ្នាំ។ កាស៊ីណូជាច្រើនដុតកាំជ្រួចព្រោងព្រាតពីដំបូលអាគាររបស់ពួកគេ៕
（ប្រភពព័ត៌មាន: Sabay news- យោងតាមប្រភព CNN, ប្រែសម្រួល៖ សុខ លាងហ៊ត）
មតិពីមិត្តអ្នកអាន