យុគសម័យ - “កិច្ចសន្ទនា Delhi” លើកទី១០ចាប់ផ្តើមជាផ្លូវការនាថ្ងៃទី១៩ ខែកក្កដា នៅរដ្ឋធានីញូដេលី ដោយវេទិកាឆ្នាំនេះផ្តោតសំខាន់លើការពង្រឹងការផ្សាភ្ជាប់ជាពិសេសកិច្ចសហប្រតិបត្តិការរវាងអាស៊ាននិងឥណ្ឌាតាមផ្លូវសមុទ្រ។
រដ្ឋមន្ត្រីការបរទេសឥណ្ឌា លោកស្រី Sushma Swaraj (រូបថតៈ TTXVN)
“កិច្ចសន្ទនា Delhi ” ដែលបានផ្តោតសំខាន់លើការកិច្ចសហប្រតិបត្តិការតាមផ្លូវសមុទ្រ ដែលជាក្របខណ្ឌនៃកិច្ចសហប្រតិបត្តិការថ្មី។ មូលបទនៃកិច្ចសន្ទនានេះគឺ “ពង្រឹងទំនាក់ទំនងរវាងឥណ្ឌានិងអាស៊ានលើកិច្ចសប្រតិបត្តិការផ្លូវសមុទ្រ”។
ថ្លែងបើកកិច្ចសន្ទនា រដ្ឋមន្ត្រីការបរទេសឥណ្ឌា លោកស្រី Sushma Swaraj បានលើកឡើងពីការវិវត្តនៃទំនាក់ទំនងរវាងឥណ្ឌានិងអាស៊ាន។ លោកស្រីសង្ឃឹមថា គម្រោងផ្សាភ្ជាប់ថ្មីៗទៀតជាពិសេសតាមសមុទ្រនឹងត្រូវដាក់ចេញហើយការពង្រឹងកិច្ចសហប្រតិបត្តិការរវាងឥណ្ឌាជាពិសេសរដ្ឋភាគឦសានជាមួយអាស៊ាននឹងអភិវឌ្ឍកាន់តែរហ័សថែមទៀតនៅពេលខាងមុខ។
រូបភាព ៖ ក្រសួងការបរទេសឥណ្ឌា
“កិច្ចសន្ទនា Delhi” ឆ្នាំនេះក៏មានការចូលរួមពីសំណាក់មន្ត្រីជាន់ខ្ពស់តំណាងប្រទេសអាស៊ានជាច្រើននាក់ផងដែរក្នុងនោះមានរដ្ឋមន្ត្រីការបរទេសសិង្ហបុរីលោកបណ្ឌិត Vivian Balakrishnan រដ្ឋមន្ត្រីក្រសួងទំនាក់ទំនងព្រុយណេលោក Abdul Mutalib Yusof, អនុរដ្ឋមន្ត្រីការបរទេសឥណ្ឌូណេស៊ី A.M. Fachir, អនុរដ្ឋមន្ត្រីការបរទេសឡាវ Thongphane Savanphet, រដ្ឋមន្ត្រីអភិវឌ្ឍអន្តរជាតិមីយ៉ាន់ម៉ា Kyaw Tin ក៏ដូចជាតំណាងអគ្គលេខាធិការអាស៊ាន លោកអគ្គលេខាធិការងអាស៊ាន លោក Hoang Anh Tuan។
សូមបញ្ជាក់ថា “កិច្ចសន្ទនា Delhi” ត្រូវបានបង្កើតឡើងក្នុងឆ្នាំ២០០៩ក្នុងគោលបំណងស្វែងរកយន្តការជំរុញការផ្សាភ្ជាប់រវាងឥណ្ឌានិងអាស៊ានដែលមានទំនាក់ទំនាក់យូរអង្វែងមកហើយនោះ។ ផ្តោតសំខាន់លើការផ្សាភ្ជាប់រវាងប្រជាជននិងប្រជាជននិងការផ្សាភ្ជាប់តាមរយៈហេដ្ឋារចនាសម្ព័ន្ធដែលមានទាំងផ្លូវទឹក គោក និងអាកាស បូករួមទាំងប្រព័ន្ធឌីជីថលនិងថាមពលផងដែរ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន