ប្រធានាធិបតីអាមេរិកលោក Donald Trump ត្រាំបានចុះហត្ថលេខាលើបទបញ្ជាថ្មីមួយ ដើម្បីអនុញ្ញាតឲ្យមានការដាក់ទណ្ឌកម្មផ្នែកហិរញ្ញវត្ថុប្រឆាំងមេដឹកនាំកំពូលអ៊ីរ៉ង់ និងមន្ត្រីសំខាន់ៗមួយចំនួន
ប្រធានាធិបតីអាមេរិកលោកដូណាល់ ត្រាំ
នៅថ្ងៃចន្ទទី២៤ខែមិថុនា ប្រធានាធិបតីអាមេរិកលោក Donald Trump បានចុះហត្ថលេខាលើបទបញ្ជាថ្មីមួយ ដើម្បីអនុញ្ញាតឲ្យមានការដាក់ទណ្ឌកម្មផ្នែកហិរញ្ញវត្ថុ ប្រឆាំងមេដឹកនាំកំពូលអ៊ីរ៉ង់លោក Ayatollah Ali Khamenei និងមន្ត្រីយោធាសំខាន់ៗ របស់អ៊ីរ៉ង់មួយចំនួន។ ទ្រព្យសម្បត្តិខ្ទង់ពាន់លានដុល្លារ របស់លោក Khamenei និងមន្ត្រីកំពូលៗ រួមទាំងមន្ត្រីដែលជិតស្និទ្ធនឹងលោក Khamenei ត្រូវបង្កកទុក។
វិធានការថ្មីនេះ ធ្វើឡើងដើម្បីឆ្លើយតបនឹងអ៊ីរ៉ង់ ដែលបានបាញ់ទម្លាក់យន្តហោះយកការណ៍គ្មានមនុស្សបើករបស់អាមេរិក នៅច្រកសមុទ្រHormuz កាលពីសប្តាហ៍មុន និងរឿងហេតុជាច្រើនផ្សេងទៀត ដែលបានកើតឡើងកាលពីគ្រាកន្លងទៅ។ សម្រាប់អាមេរិក លោក Khamenei ជាមេដឹកនាំកំពូល ដែលទទួលខុសត្រូវ ចំពោះការប្រព្រឹត្តអរិភាពរបស់របបនេះ។ ដូច្នេះហើយ ទើបបានជាលោកត្រាំ កំណត់គោលដៅ ដាក់ទណ្ឌកម្មលើលោក Khameneiក្នុងពេលនេះ៕
(យោងតាម vayofm សរុបដោយវិច្ឆិកា)
មតិពីមិត្តអ្នកអាន