យុគសម័យ - មនុស្សយ៉ាងហោចណាស់១៤នាក់បានបាត់បង់ជីវិត និងរាប់សិបនាក់ផ្សេងទៀតរងរបួស បន្ទាប់ពីព្យុះសង្ឃរាបានវាយប្រហារលើតំបន់ភាគខាងកើតនៃរដ្ឋ Alabama សហរដ្ឋអាមេរិក។
រូបថតៈ Facebook
អាជ្ញាធរអាមេរិកបានឱ្យដឹងទៀតថា ចំនួនមនុស្សស្លាប់ត្រូវបានគេរាយការណ៍ នៅក្នុងតំបន់ Lee County ជាប់ព្រំដែនរដ្ឋ Georgia កាលពីថ្ងៃអាទិត្យ ហើយអ្នករងរបួសចំនួន៤០នាក់ កំពុងសម្រាកព្យាបាលនៅតាមមន្ទីរពេទ្យក្នុងតំបន់។
រូបថតៈ AP
បន្ថែមពីលើនេះ ទីភ្នាក់ងារគ្រប់ គ្រងគ្រោះមហន្តរាយនៃតំបន់ Lee County ក៏បានបញ្ជាក់ដែរថាព្យុះសង្ឃរានេះបានបង្កការខូចខាតធ្ងន់ធ្ងរផងដែរនៅក្បែរទីក្រុង Beauregard។
រូបថតៈ CNN
គួរបញ្ជាក់ថា ប្រជាជនជាង១១,០០០នាក់គ្មានអគ្គីសនីប្រើប្រាស់កាលពីល្ងាចថ្ងៃអាទិត្យ ក្នុងរដ្ឋ Alabama ខណៈច្រើនជាង ២៥,០០០នាក់គ្មានអគ្គីសនីប្រើប្រាស់ក្នុងរដ្ឋ Georgia ពោលគឺភាគច្រើននៅតំបន់ភាគខាងលិច និងខាងត្បូងរដ្ឋមួយនេះ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន