អង់គ្លេសបានជំរុញឲ្យហុងកុង បើកការស៊ើបអង្កេតដោយឯករាជ្យ ទៅក្នុងហេតុការណ៍ដែលបានកើតឡើង។ នៅចន្លោះពេលនេះ អង់គ្លេសនឹងព្យួរការនាំចេញឧស្ម័នបង្ហូរទឹកភ្នែក និងគ្រឿងបរិក្ខារផ្សេងៗមួយចំនួនទៀត ដែលប៉ូលិសប្រើប្រាស់សម្រាប់គ្រប់គ្រងការប្រមូលផ្តុំ។
ចក្រភពអង់គ្លេសនៅតែខ្វាយខ្វល់ ចំពោះ អំពើ ហិង្សា រវាងប៉ូលិសនិងក្រុមបាតុករនៅហុងកុង
ចក្រភពអង់គ្លេស ដែលជាប្រទេសអតីតអាណានិគមលើហុងកុង នៅតែខ្វាយខ្វល់ ចំពោះ អំពើ ហិង្សា រវាងប៉ូលិសនិងក្រុមបាតុករ ដែលបានកើតឡើងនៅអំឡុងពេលអ្នកប្រជាធិតេយ្យហុងកុង ប្រមូលផ្តុំតវ៉ាប្រឆាំងនឹងច្បាប់បត្យាប័នជាមួយចិន កាលពីពេលកន្លងទៅថ្មីៗនេះ។ អង់គ្លេសបានជំរុញឲ្យហុងកុង បើកការស៊ើបអង្កេតដោយឯករាជ្យ ទៅក្នុងហេតុការណ៍ដែលបានកើតឡើង។ នៅចន្លោះពេលនេះ អង់គ្លេសនឹងព្យួរការនាំចេញឧស្ម័នបង្ហូរទឹកភ្នែក និងគ្រឿងបរិក្ខារផ្សេងៗមួយចំនួនទៀត ដែលប៉ូលិសប្រើប្រាស់សម្រាប់គ្រប់គ្រងការប្រមូលផ្តុំ។
លោកJeremy Hunt អ្នកនាំពាក្យក្រសួងការបរទេសអង់គ្លេស និយាយនៅថ្ងៃទី២៥មិថុនាឆ្នាំ២០១៩ថា អង់គ្លេសនឹងមិនចេញអាជ្ញាប័ណ្ណនាំចេញឧបករណ៍ គ្រប់គ្រងការប្រមូលផ្តុំហ្វូងមនុស្ស ឲ្យទៅហុងកុងជាថ្មីនោះទេ លុះត្រាតែការព្រួយបារម្ភ អំពី ការកើនឡើងនូវបញ្ហាសិទ្ធិមនុស្ស និងសេរីភាពជាមូលដ្ឋាន ត្រូវបានដោះស្រាយឲ្យបានម៉ត់ចត់។
ការព្យួរអាជ្ញាប័ណ្ណនាំចេញឧបករណ៍ សម្រាប់គ្រប់គ្រងការប្រមូលផ្តុំហ្វូងមនុស្ស របស់អង់គ្លេសធ្វើឡើងក្រោយ ការប៉ះទង្គិចគ្នារវាងក្រុមបាតុករនិងប៉ូលិស នៅក្នុងការតវ៉ាដែលចាប់ផ្តើមកាលពីថ្ងៃទី៩ខែមិថុនាឆ្នាំ២០១៩។ អ្នកប្រជាធិបតេយ្យហុងកុងរាប់ពាន់នាក់ បានប្រមូលផ្តុំគ្នាតវ៉ាតាមដងផ្លូវ ដើម្បីប្រឆាំងនឹងសេចក្តីព្រាងច្បាប់ធ្វើត្យាប័នរវាងហុងកុងនិងចិន។ ការតវ៉ាទ្រង់ទ្រាយធំនោះ បានរីករាលដាល រហូតដល់ផ្ទុះអំពើហិង្សា រវាងប៉ូលិសបង្ក្រាបកុប្បកម្មនិងក្រុមបាតុករ បណ្តាលឲ្យមនុស្សរងរបួសជាច្រើននាក់។
គួរជម្រាបជូនថា បច្ចុប្បន្នអាជ្ញាប័ណ្ណនាំចេញ ឧស្ម័នបង្ហូទឹកភ្នែក គ្រាប់បែកដៃ សម្រាប់ប៉ូលិសហុងកុងអស់សុពលភាពហើយ ប៉ុន្តែអង់គ្លេសមិនទាន់ចេញអាជ្ញាប័ណ្ណថ្មីនៅឡើយទេ ពោលលុះត្រាតែហុងកុងបំពេញលក្ខខណ្ណខាងលើ ឲ្យបានពេញលេញជាមុនសិន។ អង់គ្លេសបានចេញអាជ្ញាប័ណ្ណបែបនេះ ឲ្យទៅប៉ូលិសហុងកុង ប្រើប្រាស់នៅការបណ្តុះបណ្តាល លើកចុងក្រោយនៅខែកក្កដាឆ្នាំ២០១៨៕
（យោងតាម vayofm សរុបដោយវិច្ឆិកា）
មតិពីមិត្តអ្នកអាន