ទីភ្នាក់ងារសារព័ត៌មាន TASS នៅថ្ងៃទី ២៣ ខែតុលា បានដកស្រង់សម្តីលោក Tedros Adhanom Ghebreyesus អគ្គនាយកនៃអង្គការសុខភាពពិភពលោក (WHO) ថា ប៉ុន្មានខែខាងមុខនេះនឹង “ជួបការលំបាកខ្លាំង” នៃការប្រយុទ្ធប្រឆាំងនឹងរោគរាតត្បាត Covid-19 ។
រូបថតជាឧទាហរណ៍ (vnanet.vn)
លោក Tedros Adhanom Ghebreyesus បានសង្កត់ធ្ងន់ថា “យើងកំពុងស្ថិតក្នុងដំណាក់កាលសំខាន់ៗដែលទាក់ទងនឹងរោគរាតត្បាតជាសកល ជាពិសេសនៅអឌ្ឍគោលខាងជើង”។ ប៉ុន្មានខែខាងមុខនេះនឹងមានការលំបាកយ៉ាងខ្លាំង ហើយប្រទេសជាច្រើននឹងស្ថិតក្នុងស្ថានភាពគ្រោះថ្នាក់ដែលបណ្ដាលមកពីរោគរាតត្បាត Covid-19។
លោក Tedros Adhanom Ghebreyesus បាននិយាយថា ប្រទេសជាច្រើនបានរកឃើញករណីឆ្លងថ្មីកើនឡើងយ៉ាងខ្លាំង ដែលបណ្ដាលឲ្យមន្ទីរពេទ្យជាច្រើនប្រតិបត្តិការលើសកំណត់។ អគ្គនាយកអង្គការសុខភាពពិភពលោក បានជំរុញឱ្យថ្នាក់ដឹកនាំប្រទេសនានាចាត់វិធានការជាបន្ទាន់ដើម្បីជៀសវាងការដួលរលំនៃប្រព័ន្ធសុខាភិបាល។ ជាមួយគ្នានេះ បណ្តាប្រទេសគួរតែចាត់វិធានការជាបន្ទាន់ដើម្បីទប់ស្កាត់ការរីករាលដាលនៃរោគរាតត្បាតនៅក្នុងតំបន់ដែលមានចំនួនករណីឆ្លងថ្មីកើនឡើងយ៉ាងឆាប់រហ័ស៕
(ប្រភពព័ត៌មាន: kh.qdnd.vn)
មតិពីមិត្តអ្នកអាន