យុគសម័យ - ថ្លែងនៅក្នុងកិច្ចប្រជុំកំពូលអាស៊ានលើកទី ៣៧ ប្រធានាធិបតីហ្វីលីពីនលោក Rodrigo Duterte បានសង្កត់ធ្ងន់ថា សេចក្តីសម្រេចរបស់តុលាការអាជ្ញាកណ្តាលអន្តរជាតិឆ្នាំ ២០១៦“ “មិនអាចកាត់បន្ថយនិងមិនអាចត្រូវបានធ្វើព្រងើយ” ។
ប្រធានាធិបតីហ្វីលីពីនលោក Rodrigo Duterte។ រូបថត៖ RICHARD MADELO
វិទ្យុ ABS-CBN បានដកស្រង់សម្តីប្រធានាធិបតីហ្វីលីពីនលោក Rodrigo Duterte កាលពីថ្ងៃទី ១២ ខែវិច្ឆិកា ដោយនិយាយថា សារៈសំខាន់នៃសេចក្តីសម្រេចរបស់តុលាការអាជ្ញាកណ្តាលអន្តរជាតិឆ្នាំ ២០១៦ ដែលបដិសេធការទាមទារ “ខ្សែបន្ទាត់ទ្រេត៩” របស់ចិននៅសមុទ្រខាងកើត “មិនអាចកាត់បន្ថយនិងមិនអាចត្រូវបានធ្វើព្រងើយ” ។
ចិនបានបដិសេធជាយូរមកហើយចំពោះសេចក្តីសម្រេចខាងលើដែលបង្កើតឡើងដោយតុលាការអាជ្ញាកណ្តាលអន្តរជាតិ ដែលបង្កើតឡើងដោយឧបសម្ព័ន្ធទី ៧ នៃអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ចុះថ្ងៃទី ១២ ខែកក្កដាឆ្នាំ ២០១៦ ទោះបីចិនជាសមាជិកក៏នៃ UNCLOS ។
នៅក្នុងកិច្ចប្រជុំខាងលើផងដែរ នាយករដ្ឋមន្រ្តីម៉ាឡេស៊ីលោក Muhyiddin Yassin បានសង្កត់ធ្ងន់អំពីជំហររបស់ប្រទេសនេះគឺថា បញ្ហាដែលទាក់ទងនឹងសមុទ្រខាងកើតត្រូវតែដោះស្រាយដោយសន្តិវិធីនិងមានលក្ខណៈស្ថាបនាយោងទៅតាមច្បាប់អន្តរជាតិ រួមទាំង UNCLOS។ នេះបើយោងតាមទីភ្នាក់ងារព័ត៌មាន Bernama ។
លោក Muhyiddin បានបញ្ជាក់ជាថ្មីនូវទស្សនៈរបស់ប្រទេសម៉ាឡេស៊ីផងដែរថា ស្របពេលដែលច្បាប់អន្តរជាតិធានានូវសេរីភាពនាវាចរណ៍ វត្តមាននៃនាវាចម្បាំងនិងនាវាជាច្រើនទៀតនៅសមុទ្រខាងកើតអាចនឹងបង្កភាពតានតឹង ដែលនាំឱ្យមានការវាស់វែងខុសដែលអាចប៉ះពាល់ដល់សន្តិភាព សន្តិសុខ និងស្ថេរភាពនៅក្នុងតំបន់៕(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន