យុគសម័យ - នាថ្ងៃទី ៤ ខែកក្កដា ក្រសួងពាណិជ្ជកម្មចិនបានប្រកាសថា កិច្ចចរចាលើកទី ២៧ នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នឹងប្រព្រឹត្តទៅនៅទីក្រុង Zhèngzhōu ខេត្ត Hénán ប្រទេសចិននៅថ្ងៃទី ២២ ខែកក្កដាខាងមុខនេះ។
អ្នកនាំពាក្យក្រសួងពាណិជ្ជកម្មចិន លោក Kao Fong
អ្នកនាំពាក្យក្រសួងពាណិជ្ជកម្មចិន លោក Kao Fong បានឲ្យដឹងថា កិច្ចចរចារលើកនេះនឹងប្រព្រឹត្តទៅចាប់ពីថ្ងៃទី ២២ ដល់ថ្ងៃទី ៣១ ខែកក្កដា។ ពិតណាស់ថា នេះគឺជាកិច្ចចរចារលើកដំបូងស្តីពីកិច្ចព្រមព្រៀងភាពជាដៃគូគ្រប់ជ្រុងជ្រោយក្នុងតំបន់ (RCEP) ដែលត្រូវបានធ្វើឡើងនៅក្នុងប្រទេសចិន។ បន្ទាប់ពីសម័យកិច្ចចរចារនេះ កិច្ចប្រជុំថ្នាក់រដ្ឋមន្ត្រី RCEP នឹងត្រូវធ្វើនៅទីក្រុងប៉េកាំងចាប់ពីថ្ងៃទី ២ដល់ ថ្ងៃទី ៣ ខែសីហា។ លោក Kao Fong បានសន្យាថា "ក្នុងនាមជាប្រទេសម្ចាស់ផ្ទះ ចិននឹងបន្តគោរពនិងគាំទ្រដល់អាស៊ានក្នុងការលើកកំពស់តួនាទីភាពជាអ្នកដឹកនាំក្នុងការចរចារ RCEP ដើម្បីជម្រុះកិច្ចប្រជុំនេះសម្រេចឲ្យបាននូវលទ្ធផលវិជ្ជមាន ក្នុងគោលបំណងរៀបចំបានល្អនូវការបញ្ចប់ការចរចានាចុងឆ្នាំនេះផងដែរ"។
គួរបញ្ជាក់ថាក្រៅកិច្ចប្រជុំពេញអង្គនៃគណៈកម្មាធិការចរចាពាណិជ្ជកម្ម ភាគីនានាក៏បានរៀបចំសម័យប្រជុំក្រុមការងារស្តីពីពាណិជ្ជកម្មទំនិញ សេវាកម្ម ពាណិជ្ជកម្ម ការវិនិយោគ និតិវិធី ការពារពាណិជ្ជកម្ម ហិរញ្ញវត្ថុ ទូរគមនាគមន៍ កម្មសិទ្ធិបញ្ញាអេឡិចត្រូនិច ច្បាប់និងយន្តការ ផ្សេងៗទៀផងដែរ៕
（យោងតាម៖ vovworld.vn បកប្រែដោយហេង វុធ្ធី）
មតិពីមិត្តអ្នកអាន