យុគសម័យ - ប្រធាននាយកទទួលបន្ទុកកិច្ចចរចាពាណិជ្ជកម្មនៃក្រសួងពាណិជ្ជកម្មថៃ លោកស្រី Auramon Saptaweetam បានឲ្យដឹងថា ក្រសួងកំពុងប្រញាប់ប្រញាល់បំពេញកិច្ចការត្រៀមសម្រាប់សន្និសីទមួយដែលត្រូវបានធ្វើឡើងនៅទីក្រុងបាងកក ដែលជាសកម្មភាពដំបូងក្នុងឆ្នាំជាប្រធានអាស៊ាន ២០១៩ របស់ថៃ។
សន្និសីទមន្រ្តីសេដ្ឋកិច្ចជាន់ខ្ពស់អាស៊ាន ដែលនឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៨ ខែមករា (រូបថតៈ TTXVN)
យោងតាមទីភ្នាក់ងារសារព័ត៌មានវៀតណាមប្រចាំនៅទីក្រុងបាងកកថា ក្រសួងពាណិជ្ជកម្មថៃកាលពីថ្ងៃទី ៨ ខែមករា បានឲ្យដឹងថា សន្និសីទមន្រ្តីសេដ្ឋកិច្ចជាន់ខ្ពស់អាស៊ាន ដែលនឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៨ ខែមករា នឹងផ្តោតការពិភាក្សាលើការសម្រួលពាណិជ្ជកម្ម តាមរយៈវិធានការមួយចំនួន ដូចជាប្រព័ន្ធគយអេឡិចត្រូនិកនៅក្នុងប្រទេសជាសមាជិកទាំង ១០ និងអនុញ្ញាតិឱ្យមានការទទួលស្គាល់អំពីប្រភពផលិតផលដើម្បីកាត់បន្ថយការចំណាយនិងពេលវេនានាំចេញផងដែរ។
ប្រធាននាយកទទួលបន្ទុកកិច្ចចរចាពាណិជ្ជកម្មនៃក្រសួងពាណិជ្ជកម្មថៃ លោកស្រី Auramon Saptaweetam បានឲ្យដឹងថា ក្រសួងកំពុងប្រញាប់ប្រញាល់បំពេញកិច្ចការត្រៀមសម្រាប់សន្និសីទមួយដែលត្រូវបានធ្វើឡើងនៅទីក្រុងបាងកក ដែលជាសកម្មភាពដំបូងក្នុងឆ្នាំជាប្រធានអាស៊ាន ២០១៩ របស់ថៃ។
យោងតាមលោកស្រី Auramon Saptaweetam សន្និសីទនេះក៏នឹងពិភាក្សាអត្ថន័យនៃបដិវត្តន៍ឧស្សាហកម្មលើកទី ៤ និងការត្រៀមរៀបចំសម្រាប់សន្និសីទភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់ (RCEP) នៅកោះបាលីប្រទេសឥណ្ឌូនេស៊ី។ តំណាងរបស់ក្រសួងពាណិជ្ជ កម្មថៃបានចាត់ទុកថា គួរតែមានការណែនាំសម្រាប់វិធានការមិនមែនពន្ធគយ (NTM) របស់អាស៊ានដើម្បីកាត់បន្ថយឧបសគ្គពាណិជ្ជ កម្ម តាមគោលការណ៍នៃតម្លាភាពនិងការមិនរើសអើង ហើយចំពោះមុខ ចាំបាច់ត្រូវបង្កើតកិច្ចព្រមព្រៀងដោយទទួលស្គាល់គ្នាទៅវិញទៅមក (MRAs) នៅក្នុងវិស័យរថយន្ត ដើម្បីកិច្ចព្រមព្រៀងអាចត្រូវបានចុះហត្ថលេខានៅក្នុងឆ្នាំនេះតែម្តង។ លើសពីនេះទៀត ប្រ ទេសថៃក៏ចង់ជំរុញការបញ្ចប់កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅឆ្នាំ ២០១៩ ផងដែរ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន