វៀតណាមអះអាងអំពីជំហររបស់ខ្លួនក្នុងការគាំទ្រកិច្ចព្រមព្រៀងនុយក្លេអ៊ែរឆ្នាំ ២០១៥

ឯកអគ្គរដ្ឋទូត Dang Dinh Quy ប្រធានប្រតិភូអចិន្រ្តៃយ៍វៀតណាមប្រចាំនៅអង្គការសហប្រជាជាតិ។

យោងតាមអ្នកព័ត៌មានរបស់ទីភ្នាក់ងារសារព័ត៌មានវៀតណាមប្រចាំនៅទីក្រុងញូវយ៉ក ក្រុមប្រឹក្សាសន្តិសុខអង្គការសហប្រជាជាតិនាថ្ងៃទី ៣០ ខែមិថុនា មានកិច្ចប្រជុំមួយដើម្បីពិភាក្សាអំពីស្ថានភាពក្នុងរយៈពេល ៦ ខែនៃការអនុវត្តសេចក្តីសម្រេចចិត្តលេខ ២២៣១ របស់ក្រុមប្រឹក្សាសន្តិសុខស្តីពីការគាំទ្រកិច្ចព្រមព្រៀងលើផែនការសកម្មភាពដ៏ទូលំទូលាយរួមឆ្នាំ ២០១៥ ដែលមានឈ្មោះថា JCPOA ។

នៅទីនេះវៀតណាមបានអះអាងអំពីជំហរជាប់លាប់របស់ខ្លួនក្នុងការគាំទ្រដល់ការរំសាយអាវុធនិងមិនរីកសាយអាវុធប្រល័យលោក រួមទាំងអាវុធនុយក្លេអ៊ែរ សន្ធិសញ្ញាមិនរីកសាយអាវុធនុយក្លេអ៊ែរ (NPT) ក៏ដូចជាគាំទ្រសេចក្តីសម្រេចចិត្តលេខ ២២៣១ និង JCPOA។

នៅក្នុងកិច្ចប្រជុំនេះ បណ្តាប្រទេសនៃក្រុមប្រឹក្សាសន្តិសុខបានបង្ហាញទស្សនៈជាតិរបស់ខ្លួនស្តីពីការអនុវត្ត JCPOA, សេចក្តីសម្រេចចិត្តលេខ ២២៣១ ក៏ដូចជានាំការវាយតម្លៃ និងទស្សនៈជាតិចំពោះខឹ្លមសារមួយចំនួន នៅក្នុងរបាយការណ៍របស់អង្គការសហប្រជាជាតិ។

ថ្លែងនៅក្នុងកិច្ចប្រជុំនេះ ឯកអគ្គរដ្ឋទូត Dang Dinh Quy ប្រធានប្រតិភូអចិន្រ្តៃយ៍វៀតណាមប្រចាំនៅអង្គការសហប្រជាជាតិ បានកត់សំគាល់របាយការណ៍រយៈពេល ៦ ខែរបស់អគ្គលេខាធិការអង្គការសហប្រជាជាតិស្តីពីការអនុវត្តសេចក្តីសម្រេចចិត្តលេខ ២២៣១; អំពាវនាវឱ្យភាគីពាក់ព័ន្ធជំរុញការចរចារដើម្បីដោះស្រាយការខ្វែងគំនិតគ្នានិងបន្តអនុវត្តសេចក្តីសម្រេចចិត្តលេខ ២២៣១ និង JCPOA យ៉ាងពេញលេញនិងមានប្រសិទ្ធិភាព ទន្ទឹមនឹងនេះ អត់ធ្មត់ ជៀសវាងសកម្មភាពដែលបំផ្លាញការជឿទុកចិត្តនិងបង្កើនភាពតានតឹង៕

（បកប្រែដោយសាមេត）

（ប្រភពព័ត៌មាន: vov.vn）

（បកប្រែដោយសាមេត）