Trending now

វៀតណាមបានសង្កត់ធ្ងន់លើភាពចាំបាច់នៃកិច្ចសហប្រតិបត្តិការក្នុងការដោះស្រាយបញ្ហាភេរវកម្មនៅស៊ីរី

14:11 | 24/07/2020 (បកប្រែដោយសាមេត)

យុគសម័យ - នៅថ្ងៃទី ២៣ ខែកក្កដាឆ្នាំ ២០២០ ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំតាមអនឡាញប្រចាំខែស្តីពីស្ថានភាពនយោបាយនៅស៊ីរី។ នៅទីនេះវៀតណាមបានសង្កត់ធ្ងន់លើភាពចាំបាច់នៃកិច្ចសហប្រតិបត្តិការក្នុងការដោះស្រាយបញ្ហាប្រឈមនានាពីក្រុមភេរវករដោយឈរលើមូលដ្ឋាននៃការគោរពច្បាប់អន្តរជាតិនិងសេចក្តីសម្រេចចិត្តពាក់ព័ន្ធរបស់អង្គការសហប្រជាជាតិ។

ឯកអគ្គរដ្ឋទូតនៃបណ្ដាប្រទេសជាសមាជិកក្រុមប្រឹក្សាសន្តិសុខអង្គការសហប្រជាជាតិបានចូលរួមសម័យប្រជុំបើកតាមអនឡាញកាលពីថ្ងៃទី ១៧ ខែកក្កដាឆ្នាំ ២០២០

សមាជិកក្រុមប្រឹក្សាសន្តិសុខបានចែករំលែកការព្រួយបារម្ភអំពីបញ្ហាសន្តិសុខនិងបញ្ហាភេរវកម្មនៅក្នុងស៊ីរី ជាពិសេសអស្ថេរភាពសន្តិសុខមួយចំនួននៅក្នុងខេត្ត Idlib និងតំបន់ភាគខាងជើងនៃស៊ីរី ដោយសារតែសកម្មភាពរបស់ក្រុមជ្រុលនិយមនិងក្រុមភេរវករនាពេលថ្មីៗនេះ។ បណ្ដាប្រទេសបានសង្កត់ធ្ងន់លើសារសំខាន់នៃការស្វែងរកដំណោះស្រាយនយោបាយ ដោយអំពាវនាវឱ្យភាគីនានាបង្កើនការចរចានិងការសន្ទនាគ្នាដើម្បីសន្តិភាពនិងស្ថិរភាពនៅស៊ីរី។

នៅក្នុងកិច្ចប្រជុំនេះ ឯកអគ្គរដ្ឋទូតលោក Dang Dinh Quy ប្រធានគណៈប្រតិភូវៀតណាមប្រចាំនៅអង្គការសហប្រជាជាតិបានសង្កត់ធ្ងន់លើសារសំខាន់នៃការជំរុញដំណោះស្រាយនយោបាយគ្រប់ជ្រុងជ្រោយនិងយូរអង្វែងនិងធានាបរិយាកាសសន្តិសុខ ស្ថិរភាពដើម្បីបម្រើការចរចា។ លោកឯកអគ្គរដ្ឋទូត Dang Dinh Quy បានសម្តែងការព្រួយបារម្ភអំពីផលប៉ះពាល់នៃវិបត្តិសេដ្ឋកិច្ចនិងជំងឺរាតត្បាត COVID-19 ទៅលើជីវភាពរស់នៅរបស់ប្រជាជនស៊ីរីរាប់លាននាក់ ដោយអំពាវនាវឱ្យសហគមន៍អន្តរជាតិបង្កើនជំនួយមនុស្សធម៌ ក៏ដូចជាគាំទ្រសមត្ថភាពក្នុងការឆ្លើយតបនឹងជំងឺរាតត្បាត COVID-19 នេះសម្រាប់ប្រជាជនស៊ីរី៕

(បកប្រែដោយសាមេត)

(ប្រភពព័ត៌មាន: baotintuc.vn)

(បកប្រែដោយសាមេត)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់