យុគសម័យ - អ្នកជំនាញផ្នែកសុខភាពរបស់សហរដ្ឋអាមេរិកនិយាយថា វាអាចចំណាយពេល ១ ឆ្នាំទៅ ១៨ ខែដើម្បីផលិតវ៉ាក់សាំងដោយជោគជ័យ ហើយដាក់ឱ្យប្រើប្រាស់ ប៉ុន្តែប្រធានាធិបតី Trump ជឿជាក់ថា សហរដ្ឋអាមេរិកអាចធ្វើវាបាននៅចុងឆ្នាំនេះ។
លោកប្រធានាធិបតី Donald Trump ឆ្លើយសម្ភាសជាមួយសារព័ត៌មាន Fox News ពីទីក្រុង Washington DC
នៅក្នុងកិច្ចសម្ភាសន៍ជាមួយសារព័ត៌មាន Fox News ពីទីក្រុង Washington DC លោកប្រធានាធិបតី Donald Trump បានលើកឡើងថា “យើងមានភាពជឿជាក់ថា យើងនឹងអាចមានវ៉ាក់សាំងនៅចុងឆ្នាំនេះ គឺនៅចុងឆ្នាំនេះតែម្តង!”។ លោកក៏បានបន្ថែមថា លោកនឹងព្យាយាមឱ្យសាលារៀន និង សាកលវិទ្យាល័យបើកដំណើរការនៅក្នុងខែកញ្ញា ព្រោះលោកចង់ឱ្យសិស្សត្រឡប់ចូលសិក្សាវិញ។សូមបញ្ជាក់ថា ការផលិតវ៉ាក់សាំង COVID-19 នេះត្រូវបានធ្វើឡើងនៅតាមបណ្តាប្រទេសផ្សេងៗជាច្រើនរួមជាមួយការប្រកួតប្រជែងគ្នាដើម្បីផលិតឱ្យបានមុនគេយកមកប្រើប្រាស់នៅក្នុងពិភពលោកផងដែរ ។
លោកប្រធានាធិបតី Trump ក៏បានទទូចថា គាត់សប្បាយចិត្តចំពោះប្រទេសណាដែលអាចយកឈ្នះអ្នកស្រាវជ្រាវអាមេរិកស្វែងរកវ៉ាក់សាំង ដោយនិយាយថា “ប្រសិនបើជាប្រទេសផ្សេង ខ្ញុំនឹងមានការកោតសសើរខ្លាំងមែនទែន ។ ខ្ញុំមិនខ្វល់ទេ ខ្ញុំគ្រាន់តែត្រូវការវ៉ាក់សាំងដែលអាចដំណើរការបាន” ៕
（បកប្រែដោយសាមេត）
មតិពីមិត្តអ្នកអាន