យុគសម័យ - នាល្ងាចថ្ងៃទី ២៥ ខែឧសភាប្រធានាធិបតីឥណ្ឌា លោក Ram Nath Kovind បានតែងតាំងលោក Narendra Modi ជានាយករដ្ឋមន្ត្រី បន្ទាប់ពីទទួលបានការគាំទ្រពីគណបក្សសម្ព័ន្ធប្រជាធិបតេយ្យជាតិ (NDA) ។
នាយករដ្ឋមន្ត្រីឥណ្ឌា Narendra Modi បានថ្លែងនៅឯទីស្នាក់ការគណបក្ស BJP ក្នុងទីក្រុងញូវដេលី
គណនី Twitter ផ្លូវការរបស់ប្រធានាធិបតីឥណ្ឌាបានសរសេរថា “អនុវត្តតាមសិទ្ធិអំណាចដែលបានចែងនៅក្នុងមាត្រា ៧៥ (១) នៃរដ្ឋធម្មនុញ្ញឥណ្ឌានោះ ថ្ងៃនេះ ប្រធានាធិបតី Kovind ប្រកាសតែងតាំងលោក Narendra Modi ជានាយករដ្ឋមន្ត្រីឥណ្ឌា” ។
លោកប្រធានាធិបតីឥណ្ឌា បានប្រាប់ទៅលោក Narendra Modi ជួយផ្តល់យោបល់ចំពោះការតែងតាំងសមាជិកផ្សេងទៀតនៃទីស្តីការគណៈរដ្ឋមន្ត្រីនិងកំណត់ពេលវេលាជាក់លាក់ ដើម្បីធ្វើពិធីសច្ចាប្រណិធាននៅឯវិមានប្រធានាធិបតី Rashtrapati Bhavan តែម្តង។
មុននោះ នាថ្ងៃទី ២៥ ខែឧសភា សមាជិកសភាជាប់ឆ្នោតថ្មីរបស់គណៈបក្ស NDA បានជ្រើសរើសលោក Modi ធ្វើជាមេដឹកនាំរបស់ពួកគេដោយបានត្រួសត្រាយផ្លូវឱ្យលោកក្លាយជានាយករដ្ឋមន្ត្រីឥណ្ឌា ពីរអាណត្តិបន្តបន្ទាប់គ្នា៕
(ប្រភព៖ baotintuc.vn ប្រែសម្រូលដោយសមុទ្រ)
មតិពីមិត្តអ្នកអាន