យុគ្គសម័យ - យោងតាមគណៈកម្មាធិការបោះឆ្នោតជាតិឥណ្ឌូនេស៊ី បានឲ្យដឹងថាលោក Joko Widodo បានឈ្នះក្នុងការបោះឆ្នោតជ្រើសតាំងប្រធានាធិបតីឥណ្ឌូនេស៊ីដោយមានសម្លេងគាំទ្រចំនួន ៥៥,៥% បើប្រៀបធៀបនឹងសម្លេងគាំទ្រចំនួន ៤៤,៥% របស់គូប្រជែង លោក Prabowo Subianto ។
លោក Joko Widodo ជាប់ឆ្នោតជាប្រធានាធិបតីឥណ្ឌូណេស៊ីអាណត្តិតិទី២ (រូបថត៖ vietnamplus.vn)
លទ្ធផលបោះឆ្នោតផ្លូវការចេញផ្សាយនៅថ្ងៃអង្គារនេះ បានឱ្យដឹងថាលោក Joko Widodo ទទួលបាន ជ័យជម្នះនៅក្នុងការបោះឆ្នោត កាលពីថ្ងៃទី១៧ ខែមេសាកន្លងទៅ ដែលនេះមានន័យថាលោកនឹងបន្តកាន់តំណែងជា ប្រធានាធិបតីឥណ្ឌណេស៊ីសម្រាប់អណត្តិទី២ជាប់ៗគ្នា។
កាលពីដំបូងឡើយ គណៈកម្មាការរៀបចំការបោះឆ្នោតជាតិឥណ្ឌូណេស៊ី គ្រោងនឹងប្រកាសលទ្ធផលបោះឆ្នោតជាផ្លូវការ នៅថ្ងៃពុធសប្ដាហ៍នេះ។ ប៉ុន្តែ ដោយខ្លាចក្រែងមានភាពចលាចល និងការធ្វើបាតុកម្មតវ៉ាប្រឆាំងនឹងលទ្ធផល ចុងក្រោយ ទើបលទ្ធផលបោះឆ្នោតប្រធានាធិបតីជាផ្លូវការត្រូវប្រកាសនៅថ្ងៃអង្គារនេះវិញ។គណៈកម្មការបោះឆ្នោតជាតិឥណ្ឌូណេស៊ីនឹងប្រកាសលទ្ធផលនៃការបោះឆ្នោតប្រធានាធិបតីនៅថ្ងៃទី ២២ខែឧសភាខាងមុខ។ ដើម្បីធានាសន្តិសុខសេចក្តីប្រកាសលទ្ធផលនៃការបោះឆ្នោតនេះ ឥណ្ឌូណេស៊ីបានរឹតបន្តឹងសន្តិសុខពង្រាយប៉ូលីសនិងទាហានចំនួន ៣២.០០០ នាក់នៅក្នុងស្ថានភាពត្រៀមខ្លួនជាស្រេចប្រយុទ្ធនៅទីក្រុងហ្សាកាតា៕
គួរបញ្ជាក់ថា បើតាមគណៈកម្មាការរៀបចំការបោះឆ្នោត លោក Joko Widodo និងអនុប្រធានាធិបតីរបស់លោកគឺ លោក Ma'ruf Amin ទទួលបានសំឡេងគាំទ្រ ៥៥.៥ ភាគរយ ខណៈគូប្រជែង លោក Prabowo Subianto និងលោក Sandiaga Uno ទទួលបានសំឡេងគាំទ្រ៤៤.៥ភាគរយ៕
(ហេង វុធ្ធី)
(ប្រភពព័ត៌មាន: vietnamplus.vn)
មតិពីមិត្តអ្នកអាន