ប្រធានាធិបតីអាមេរិកលោក ដូណាល់ ត្រាំ និងសមភាគីអ៊ីរ៉ង់របស់លោក គឺលោក ហាស្សាន រូហានី បានជួបគ្នានៅក្នុងឱកាសចុងក្រោយរបស់ពួកគេកាលពីថ្ងៃពុធ អំពីជំនួបជាប្រវត្តិសាស្ត្រមួយ ខណៈក្រុមមេដឹកនាំអឺរ៉ុប នឹងរៀបចំកិច្ចពិភាក្សាមានគោលបំណងចង់បន្ធូរបន្ថយភាពតានតឹងកាន់តែខ្លាំងឡើងនៅតំបន់មជ្ឈិមបូព៌ា។
លោក រូហានី (កណ្តាលស្តាំ) ជួបជាមួយលោក អាបេ (កណ្តាលឆ្វេង) ក្រៅសង្វៀនមហាសន្និបាត UN នៅញូវយ៉ក។
ជំនួបមួយរវាងបច្ចាមិត្តទាំង ២ នឹងជាកិច្ចប្រជុំក្នុងប្រវត្តិសាស្ត្រ ប៉ុន្តែបានកើតឡើងស្ថិតនៅក្រោមបញ្ហានយោបាយមួយ ដោយគូបដិបក្ខគណបក្សប្រជាធិបតេយ្យរបស់លោក ដូណាល់ ត្រាំ កាលពីថ្ងៃអង្គារ បានប្រកាសស៊ើបអង្កេតការចោទប្រកាន់អំពីអំពើក្បត់ជាតិប្រឆាំងលោក ត្រាំ។
ដោយក្រុមមេដឹកនាំពិភពលោក បានជួបជុំគ្នានៅបុរីញូវយ៉ក សម្រាប់មហាសន្និបាតអង្គការសហប្រជាជាតិប្រចាំឆ្នាំ ប្រធានាធិបតីបារាំងលោក អេម៉ានុយអែល ម៉ាក្រុង កាលពីពេលថ្មីៗនេះ បានជំរុញឲ្យលោក ដូណាល់ ត្រាំ ជួបជាមួយលោក ហាហ្សាន រូហានី។
ដោយអមដំណើរដោយ ហាស្សាន រូហានី ដែលកំពុងញញឹមទៅកាន់កិច្ចប្រជុំមួយ ជាមួយនាយករដ្ឋមន្ត្រីអង់គ្លេសលោក បូរីស ចនសុន លោក អេម៉ានុយអែល ម៉ាក្រុង បានថ្លែងថា ពេលវេលាបានបញ្ចប់ទៅយ៉ាងឆាប់រហ័ស។
លោក ម៉ាក្រុង បានថ្លែងថា៖ «ប្រសិនបើលោកបានចាកចេញពីប្រទេសដោយមិនបានជួបជាមួយលោក ដូណាល់ ត្រាំ និយាយដោយស្មោះត្រង់ទៅនេះ គឺជាការបាត់បង់ឱកាសមួយ ពីព្រោះលោកប្រធានាធិបតី ម៉ាក្រុង នឹងមិនបានវិលត្រឡប់មកវិញនៅក្នុងរយៈពេល ២-៣ ខែទៀតនោះទេ»។
លោកបានថ្លែងថា៖ «ចំណែក លោក ដូណាល់ ត្រាំ នឹងមិនធ្វើដំណើរទៅទីក្រុងតេអេរ៉ង់នោះទេ ដូច្នេះពួកគេត្រូវតែជួបគ្នានៅទីនេះ» ខណៈលោក ចនសុន បានអំពាវនាវឲ្យចុះកិច្ចព្រមព្រៀងនោះ។
លោក ម៉ាក្រុង (ឆ្វេង) និងលោក ហាស្សាន រូហានី ចាប់ដៃគ្នាក្រោយពីជំនួបមួយនៅឯទីស្នាក់ការបុរីញូវយ៉ក។
លោក ម៉ាក្រុង បានបង្កើតឲ្យមានកិច្ចខិតខំប្រឹងប្រែងមុនគេ ដើម្បីរៀបចំជំនួបកំពូលជាប្រវត្តិសាស្ត្រមួយ ដោយជំរុញឲ្យលោក ដូណាល់ ត្រាំ ផ្តល់យោបល់កាលពីខែមុន ខណៈលោកបានសង្ឃឹមថា នឹងជួយជ្រោមជ្រែងឲ្យមានកិច្ចព្រមព្រៀងអំពីការលុបបំបាត់កម្មវិធីអាវុធនុយក្លេអ៊ែរ ឆ្នាំ២០១៥ ជាមួយអ៊ីរ៉ង់ឡើងវិញ។
ប៉ុន្តែភាពតានតឹងបានផ្ទុះឡើងជាថ្មី ក្រោយពីការវាយប្រហារជាច្រើនលើកនៅខែនេះ ទៅលើហេដ្ឋារចនាសម្ព័ន្ធរោងចក្រផលិតប្រេងរបស់អារ៉ាប៊ីសាអ៊ូឌីត។ អាមេរិកបានស្តីបន្ទោសទៅលើអ៊ីរ៉ង់ ដោយបានស្វែងរកការគាំទ្រមួយនៅក្នុងសប្តាហ៍នេះ ដោយប្រទេស បារាំង អង់គ្លេស និងអាល្លឺម៉ង់ទៀតផងនោះ។
កាលពីពេលថ្មីៗនេះ លោក ដូណាល់ ត្រាំ បានបង្ហាញពីបំណងចង់ជួបលោកប្រធានាធិបតីលោក ហាស្សាន រូហានី ប៉ុន្តែបានបញ្ជាក់យ៉ាងច្បាស់កាលពីថ្ងៃអង្គារថា លោកនឹងមិនបន្ធូរបន្ថយសម្ពាធសេដ្ឋកិច្ចទៅលើប្រទេស អ៊ីរ៉ង់ នោះទេ ជាលក្ខខណ្ឌមួយនៅក្នុងជំនួបដែលធ្វើឡើងដោយលោក រូហានី សម្រាប់ការជួបគ្នាណាមួយនោះ៕
(ប្រភព៖ postkhmer.com)
មតិពីមិត្តអ្នកអាន