Trending now

មេដឹកនាំកំពូលៗលើពិភពលោក ទៅចូលរួមវេទិកាខ្សែក្រវាត់ និងផ្លូវ លើកទី២ រៀបចំឡើងនៅរដ្ឋធានីប៉េកាំង នៃប្រទេសចិន

18:42 | 25/04/2019 (ប្រភព៖ FN)

កិច្ចប្រជុំកំពូលនៃវេទិកាខ្សែក្រវាត់ និងផ្លូវ (BRF) ជាលើកទី ២ សម្រាប់កិច្ចសហប្រតិបត្តិការអន្តរជាតិ នឹងចាប់ផ្តើមប្រព្រឹត្តទៅនៅក្នុងទីក្រុងប៉េកាំង ប្រទេសចិនពីថ្ងៃទី២៥ ដល់ថ្ងៃទី២៧ ខែមេសា ឆ្នាំ២០១៩ សំដៅស្វែងរកកិច្ចសហប្រតិបត្តិការប្រកបដោយគុណភាពខ្ពស់ ក្រោមគំនិតផ្ដួចផ្ដើមខ្សែក្រវាត់ និងផ្លូវ។ នេះបើតាមការចេញផ្សាយដោយសារព័ត៌មាន CGTN នៅល្ងាចថ្ងៃព្រហស្បតិ៍ ទី២៥ ខែមេសា ឆ្នាំ២០១៩។

ប្រមុខរដ្ឋ និងរដ្ឋាភិបាលមកពី ៣៧ប្រទេស ក្នុងនោះមានទាំង លោកប្រធានាធិបតីរុស្ស៊ី Vladimir Putin និងលោកប្រធានាធិបតីហ្វីលីពីនលោក Rodrigo Duterte ព្រមទាំងបណ្ដាមេដឹកនាំកំពូលដទៃៗទៀតមកពីប្រទេស អូទ្រីស អេហ្ស៊ីប អ៊ីតាលី វៀតណាម ឡាវ និងកម្ពុជា នឹងត្រូវចូលរួមកិច្ចប្រជុំនៃវេទិការខ្សែក្រវាត់ និងផ្លូវ (BRF)។ ចំណែកឯប្រទេសបារាំង អាល្លឺម៉ង់ អង់គ្លេស អេស្ប៉ាញ ជប៉ុន កូរ៉េខាងត្បូង រួមទាំងសហភាពអឺរ៉ុបក៏រៀបចំបញ្ជូនប្រតិភូ ឬអ្នកតំណាងជាន់ខ្ពស់ ឱ្យមកចូលរួមក្នុងកិច្ចប្រជុំនេះដែរ។

គួរបញ្ជាក់ផងដែរថា នៅមុនជំនួបផ្លូវការរៀបចំឡើង ប្រធានរដ្ឋចិនលោក Xi Jinping ក៏បានទទួលស្វាគមន៍ជំនួបទ្វេភាគីជាមួយមេដឹកនាំជាច្រើនរូបផងដែរ ដើម្បីពិភាក្សាអំពី ទំនាក់ទំនងមិត្តភាព សេដ្ឋកិច្ច និងពាណិជ្ជកម្មរវាងចិន និងបណ្តាប្រទេសទាំងនោះ។ ទីក្រុងប៉េកាំងពេលនេះ គឺជាម្ចាស់ផ្ទះដែលទទួលភ្ញៀវរហូតដល់ទៅ ៥,០០០នាក់ មកពីប្រទេសចំនួន ១៥០នាក់ និងអង្គការអន្តរជាតិសរុប ៩០ ផងដែរ៕

(ប្រភព៖ FN)

(ប្រភព៖ FN)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់