សំណង់អាគារដ៏អស្ចារ្យស្ថិតនៅលើច្រាំងថ្ម ឬ ចំណោទភ្នំខាងក្រោមនេះខ្លះមានអាយុរាប់រយឆ្នាំខណៈ ដែលខ្លះទៀតមានអាយុរាប់ពាន់ឆ្នាំ។ កន្លែងខ្លះឧបសគ្គខ្លាំងរហូតដល់ទាល់តែអ្នកមានជំនាញខ្លាំងទើបអាចឡើងលើច្រាំងចោទទៅកាន់សំណង់អាគារទាំងនោះបាន។ ពេលខ្លះយើងសឹងឆ្ងល់ថាតើអ្នកសាងសង់ធ្វើវាបានដោយរបៀបណា? ភាគច្រើននៃសំណង់បុរាណដែលសង់លើឧបសគ្គធម្មជាតិទាំងនោះជាសំណង់ស្ថិតនៅទ្វីបអឺរ៉ុប ពិសេសអេស្ប៉ាញ និង អ៊ីតាលី។
១.វិហារ Saint-Michel d’Aiguilhe៖
ហារ Saint-Michel d’Aiguilhe ស្ថិតនៅភាគខាងត្បូងប្រទេសបារាំង។ អាគារនេះមានអាយុកាលជាង ១ ពាន់ឆ្នាំមកហើយ ឈរនៅលើកំពូលភ្នំភ្លើងដែលមានកម្ពស់ ៨៥ ម៉ែត្រ។ គេអាចឡើងទៅបានតាមរយៈជណ្តើរចំនួន ២៦៨ ជំហានដែលឆ្លាក់ចូលទៅក្នុងថ្ម។
២. វិហារ Katskhi Pillar ប្រទេសហ្សកហ្ស៊ី៖
វិហារនេះ ឈរនៅលើកំពូលភ្នំច្រាំងចោទកម្ពស់៤០ម៉ែត្រ ប្រៀបដូចសសរស្ដម្ភក្នុងប្រទេសហ្សកហ្ស៊ី។ វិហារត្រូវបានសាងសង់អស់ជាច្រើនសតវត្សមកហើយ។
៣. វត្តម៉េទីអូរ៉ានៅប្រទេសក្រិច៖
នេះគឺជាទីអារាមដ៏គួរឲ្យភ្ញាក់ផ្អើលបំផុត។ វាត្រូវបានកសាងឡើងក្នុងឆ្នាំ ១៣៩២ ពោលគឺជាសំណង់ដែលបានកសាងឡើងក្នុងសតវត្សទី១៤។ គេអាចឡើងទៅដល់កំពូលបានតាមជណ្តើរ១៤០កាំ។
៤. ទីក្រុងប្រវត្តិសាស្ត្រដ៏អស្ចារ្យនៃកោះ Bonifacio នៅប្រទេសកូស៊ីកា៖
ស្ថិតនៅលើច្រាំងថ្មដ៏ចោទ។ មធ្យោបាយដ៏ល្អបំផុតដើម្បីទៅកាន់ទីនោះ ត្រូវធ្វើដំណើរតាមទូក រួចប្រើខ្សែយោងទម្លាក់យោងមនុស្សពីពីខាងក្រោមឡើងទៅលើ។
៥. ប្រាសាទព្យួរនៅក្នុងខេត្តសានហ្ស៊ីប្រទេសចិន ៖
ប្រាសាទនេះកសាងឡើងក្នុងឆ្នាំ ៤៩១ ពោលគឺមានអាយុជាង ១ ៥០០ ឆ្នាំមកហើយ។
៦. Castellfollit de la Roca នៅអេស្ប៉ាញ៖
គឺជាភូមិធម្មជាតិដ៏ស្រស់ស្អាតមួយ ក្នុងភូមិភាគឦសានប្រទេសអេស្ប៉ាញ។
៧. ប្រាសាទ Popa Taungkalat ឋិតនៅលើកំពូលភ្នំប៉ូប៉ាប្រទេសមីយ៉ាន់ម៉ា៖
អ្នកទស្សនាត្រូវក្លាហានឆ្លងកាត់ជណ្តើរភ្នំដ៏ចោទខ្លាំង៧៧៧កាំ និង ត្រូវជម្នះជាមួយស្វាព្រៃដើម្បីអាចឡើងទៅដល់កំពូល។
៨. អាគារសាសនានៅលើច្រកថ្មដ៏តូច នៅប្រទេសអេស្ប៉ាញ៖
អាគារនេះសាងសង់ក្នុងសតវត្សទី១០។ ដើម្បីទៅកាន់ទីនោះបាន មនុស្សត្រូវដើរលើផ្លូវភ្នំដ៏តូចដូចដើរលើខ្នងនាគ។
៩. ផ្ទះព្យួរស្ថិតក្នុងខេត្តកួរអេនកា ( Cuenca) ប្រទេសអេស្ប៉ាញ៖
១០. វត្តព្រះពុទ្ធ Paro Taktsang នៅជួរភ្នំហិម៉ាឡៃប្រទេសប៊ូតាន ៖
អារាមនេះត្រូវបានសាងសង់កាលពីឆ្នាំ ១៦៩២ ប៉ុន្តែវាស្ទើរតែត្រូវបានបំផ្លាញទាំងស្រុងដោយអគ្គិភ័យកាលពីឆ្នាំ ១៩៩៨។ ក្រោយមករដ្ឋាភិបាលប៊ូតានបានជួសជុលអាគារឡើងវិញ៕
（ប្រភព៖ Social.Sabay）
មតិពីមិត្តអ្នកអាន