យុគសម័យ - ប្រសិនបើទុកចោលមិនទៅព្យាបាលទេនោះ វាអាចបណ្តាលឲ្យខូចដល់សរីរាង្គជាច្រើនឬខូចខួរក្បាលដែលឈានដល់ស្លាប់។
ផ្សិត Poison Fire Coral នៅជ្រលង Redlynch ជាយទីក្រុង Cairns (រូបថតៈ AFP)
សាកលវិទ្យាល័យ James Cook នៃប្រទេសអូស្ត្រាលីបានប្រកាសនៅថ្ងៃទី ៣ ខែតុលាថា ផ្សិតមួយក្នុងចំណោមផ្សិតពុលបំផុតនៅលើពិភពលោកត្រូវបានគេរកឃើញជាលើកដំបូងនៅភាគខាងជើងនៃប្រទេសអូស្ត្រាលី ពោលគឺមានចម្ងាយរាប់ពាន់គីឡូម៉ែត្រពីជម្រកកំណើតរបស់វានៅលើភ្នំនៃប្រទេសជប៉ុននិងកូរ៉េ។ មានមនុស្សជាច្រើននាក់បានស្លាប់នៅក្នុងប្រទេសជប៉ុននិងកូរ៉េបន្ទាប់ពីយល់ច្រឡំផ្សិតពណ៌ក្រហមភ្លឺប្រភេទនេះថាជាផ្សិតដែលអាចបរិភោគបានដែលត្រូវបានប្រើនៅក្នុងឱសថបុរាណហើយចម្រោះវាទៅជាតែ។
អ្នកជំនាញខាងរោគវិទ្យានៅសាកលវិទ្យាល័យ James Cook លោក Matt Barrett ដែលបានបញ្ជាក់ពីអត្តសញ្ញាណផ្សិតពុលដែលត្រូវបានរកឃើញនៅក្នុងប្រទេសអូស្ត្រាលីនេះបាននិយាយថា ការរកឃើញនេះបានពង្រីកចំណេះដឹងរបស់ខ្លួនគួរឲ្យកត់សម្គាល់។ Poison Fire Coral គឺជាផ្សិតដែលត្រូវបានគេស្គាល់ថាមានជាតិពុលដែលអាចជ្រាបចូលក្នុងស្បែកហើយបណ្តាលឲ្យមានរោគសញ្ញាគួរឲ្យរន្ធត់ប្រសិនបើបរិភោគវាដូចជាក្អួត រាគ គ្រុនក្តៅនិងស្ពឹកជាដើម។ ប្រសិនបើទុកចោលមិនទៅព្យាបាលទេនោះ វាអាចបណ្តាលឲ្យខូចដល់សរីរាង្គជាច្រើនឬខូចខួរក្បាលដែលឈានដល់ស្លាប់
（ដោយ ស្រីព្រេជ）
មតិពីមិត្តអ្នកអាន