Trending now

នាយករដ្ឋមន្រ្តីអេត្យូទទួលបានពានរង្វាន់ណូបែលសន្តិភាពឆ្នាំ២០១៩

07:52 | 12/10/2019

យុគសម័យ - ពានរង្វាន់ណូបែលសន្តិភាពឆ្នាំ២០១៩នេះ ត្រូវបានប្រគល់ឱ្យនា យករដ្ឋមន្ត្រីអេត្យូពី លោក Abiy Ahmed សម្រាប់កិច្ចខិតខំប្រឹងប្រែងរបស់លោក ក្នុងការសម្រេចបាននូវសន្តិភាព និងកិច្ចសហប្រតិបត្តិការអន្តរជាតិ។

នាយករដ្ឋមន្រ្តីអេត្យូពីលោក Abiy Ahmed (រូបភាព៖ AFP)

នាយករដ្ឋមន្រ្តីអេត្យូពីលោក Abiy Ahmed បានឈ្នះរង្វាន់ណូបែលសន្តិភាពឆ្នាំ ២០១៩សម្រាប់ការចូលរួមចំណែករបស់លោកក្នុងការបញ្ចប់ជម្លោះជាមួយប្រទេសជិតខាង Eritrea។

“លោកនាយករដ្ឋមន្រ្តី Ahmed ទទួលបានកិត្តិយសសម្រាប់កិច្ចខិតខំប្រឹងប្រែងរបស់លោកក្នុងការសម្រេចបាននូវសន្តិភាពនិងកិច្ចសហប្រតិបត្តិការអន្តរជាតិ ហើយជាពិសេសគំនិតផ្តួចផ្តើមរបស់លោកក្នុងការដោះស្រាយជម្លោះព្រំដែនជាមួយប្រទេសអេជិតខាង Eritrea”។ នេះបើយោងតាមប្រសាសន៍របស់ប្រធាន គណៈកម្មាធិការណូបែលណ័រវេសលោក Berit Reiss-Andersen ដែលបានប្រកាសនៅថ្ងៃទី ១១ ខែតុលា។

ប្រទេសអេត្យូពី បានចុះកិច្ចព្រមព្រៀងសន្តិភាពជាមួយប្រទេស Eritrea កាលពីឆ្នាំ២០១៨ ដោយបញ្ចប់ ជម្លោះយោធានឹងគ្នាអស់រយៈពេល២០ឆ្នាំ ចាប់តាំងពីសង្រ្គាមព្រំដែនផ្ទុះឡើងនៅឆ្នាំ១៩៩៨ ដល់ឆ្នាំ២០០០។

គួរបញ្ជាក់ថា លោក Abiy Ahmed ដែលកាន់តំណែងជានាយករដ្ឋមន្ត្រីអេត្យូពីនៅខែមេសា ឆ្នាំ២០១៨ នឹងត្រូវទទួលពានរង្វាន់ណូបែលសន្តិភាពក្នុងទីក្រុង Oslo ប្រទេសន័រវែស នៅខែធ្នូខាងមុននេះ ក្នុងនោះ ជាម្ចាស់ជ័យលាភពានរង្វាន់ណូបែលសន្តិភាពទី១០០ ជាមួយប្រាក់រង្វាន់៩០០,០០០ដុល្លារ៕

(ដោយស្រីព្រេជ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់