យុគសម័យ - គេហទំព័រអំពីខ្សែភាពយន្ត IndieWire កាលពីថ្ងៃទី ២៤ ខែកក្កដា បានចេញផ្សាយនូវបញ្ជីខ្សែភាពយន្តចំនួន ១០០ រឿងដែលល្អមើលបំផុតក្នុងទសវត្សរ៍នេះ ដោយយោងតាមការវាយតម្លៃរបស់អ្នករិះគន់ភាពយន្តល្បីៗ។
ក្រុមអ្នកដឹកនាំនិងតួរអង្គក្នុងរឿង “Moonlight”
ក្នុងបញ្ជីរៀបចំណាត់ថ្នាក់រឿងទាំង១០០នេះ គឺ រឿង “Moonlight” របស់សមិទ្ធិករ Barry Jenkins ឈរលំដាប់ថ្នាក់លេខ១។ “Moonlight” គឺជាខ្សែភាពយន្តដំបូងគេបង្អស់នៅលើពិភពលោក បញ្ចាំង ពីសហគមន៏ស្រលាញ់ភេទដូចគ្នា ហើយក៏ជាខ្សែភាពយន្តដំបូងគេបង្អស់នៅលើពិភពលោកដែលមានតួរអង្គសុទ្ធតែជាស្បែកខ្មៅ ដូចជា Trevante Rhodes, Andre Holland, Janelle Monáe, Ashton Sanders។
សមិទ្ធិករ Barry Jenkins បានចូលរួមការបញ្ចាំងបង្ហាញរឿង “Moonlight” ឬអាចប្រែថា "ពន្លឺព្រះចន្ទ” នៅរដ្ឋ Floria នៃ សហរដ្ឋអាមេរិក (រូបថត: Getty)“
ពន្លឺព្រះច័ន្ទ” ត្រូវបានគេសរសើរនិងនិយមចូលចិត្តយ៉ាងខ្លាំងចាប់តាំងពីបានបញ្ចាំងជាលើកដំបូង។ នេះគឺជាខ្សែភាពយន្តដែលឈ្នះពានរង្វាន់ Oscar សម្រាប់ខ្សែភាពយន្ដល្អបំផុត និងពានរង្វាន់មាសទី ៧៤ សម្រាប់រឿង “ល្អប្រសើជាងគេបំផុត”។
តារាអាមេរិកស្បែកខ្មៅឈ្មោះលោក Mahershala Ali គឺជាអ្នកកាន់សាសនាអ៊ីស្លាមទីមួយដែលបានទទួលពានរង្វាន់ Oscar នៅក្នុងការសម្តែងជាតួរងដ៏ប្រសើរជាងគេក្នុងខ្សែភាពយន្ត "Moonlight”។
រឿង សមិទ្ធិករ Barry Jenkins បានចូលរួមការបញ្ចាំងបង្ហាញរឿង “Moonlight” ឬអាចប្រែថា "ពន្លឺព្រះចន្ទ” នៅរដ្ឋ Floria នៃ សហរដ្ឋអាមេរិក (រូបថត: Getty)
នៅក្នុងខ្សែភាពយន្ត”Moonlight” របស់សមិទ្ធិករ Barry Jenkins តារា Mahershala Ali បានដើរតួជាអ្នកជួញដូរគ្រឿងញៀនម្នាក់សញ្ជាតិគុយបាឈ្មោះ Juan តែគេជាមនុស្សមានចិត្តមេត្តាធម៌និងចេះអាណិតស្រឡាញ់កុមារមួយរូបដែលត្រូវម្តាយធ្វើបាបដោយហេតុតែគាត់ត្រូវការគ្រឿងញៀន។ នៅក្នុងសាច់រឿង Juan ជាអ្នកលក់គ្រឿងញៀន នៅតាមសង្កាត់របស់ជនជាតិអាមេរិកស្បែកខ្មៅនិងនៅក្រោយបន្តិចមក ទើបបានដឹងថា ម្តាយរបស់កុមារតូចនោះ គឺជាអ្នកញៀនអាភៀនម្នាក់ដែលគាត់តែងតែលក់អាភៀនអោយ។
តារា Mahershala Ali ដែលមានអាយុ ៤៣ឆ្នាំ បានដើរតួជាអ្នកជួញដូរគ្រឿងញៀនម្នាក់សញ្ជាតិគុយបាឈ្មោះ Juan (រូបថតៈ huffingtonpost.com)
នៅក្នុងបញ្ជីនៃខ្សែភាពយន្តល្អបំផុតក្នុងទសវត្សចំនួន ១០០ រឿង ដែលបានបោះឆ្នោតដោយ IndieWire នេះ មានស្នាដៃជាច្រើននៃភាពយន្តទ្វីបអាស៊ី ដែលភាគច្រើនមកពីភាពយន្តកូរ៉េខាងត្បូងនិងជប៉ុន។
សូមគូសបញ្ជាក់ថា IndieWire គឺជាគេហទំព័រខ្សែភាពយន្តល្បីល្បាញមួយដែលមានឯកទេសក្នុងការបង្កើតបញ្ជីខ្សែភាព យន្តប្រចាំឆ្នាំដ៏ល្អបំផុត យោងតាមការវាយតម្លៃឯករាជ្យរបស់អ្នករិះគន់ខ្សែភាពយន្តសំខាន់ៗនៅជុំវិញពិភពលោក៕
(សរុបនិងបកប្រែ ដោយ ស្រីព្រេជ)
មតិពីមិត្តអ្នកអាន