យុគសម័យ - វៀតណាមបានផ្តល់សច្ចាប័នលើពិធីសារដំបូងដែលបានធ្វើវិសោធនកម្ម AJCEP កាលពីថ្ងៃទី ២៦ ខែមិថុនា ខណៈដែលប្រទេសជប៉ុនបានបញ្ចប់ការផ្តល់សច្ចាប័នលើឯកសារនេះក្នុងរយៈពេលជិតពីរសប្តាហ៍មុននោះ។
តំណាងឱ្យបណ្តាប្រទេសនៅក្នុងគណៈកម្មាធិការសហប្រតិបត្តិការរួមអាស៊ាន - ជប៉ុន (AJJCC) (រូបថត៖ vnanet)
នាថ្ងៃទី ១ ខែសីហា ពិធីសារទី១ដើម្បីធ្វើវិសោធនកម្មកិច្ចព្រមព្រៀងភាពជាដៃគូគ្រប់ជ្រុងជ្រោយអាស៊ាន - ជប៉ុន (AJCEP) បានចូលជាធរមាននៅប្រទេសជប៉ុននិងសមាជិកទាំង ៥ នៃសមាគមប្រជាជាតិអាស៊ីអាគ្នេយ៍ (អាស៊ាន) រួមមាន៖ ប្រទេសឡាវ មីយ៉ាន់ម៉ា សិង្ហបុរី ថៃ និង វៀតណាម។ នេះគឺជាប្រទេសដែលបានបញ្ចប់នីតិវិធីច្បាប់ក្នុងស្រុកដើម្បីផ្តល់សច្ចាប័នលើឯកសារនេះ។ ប្រទេសវៀតណាមបានផ្តល់សច្ចាប័នលើពិធីសារទីមួយ ដែលបានធ្វើវិសោធនកម្ម AJCEP កាលពីថ្ងៃទី ២៦ ខែមិថុនា ខណៈដែលប្រទេសជប៉ុនបានបញ្ចប់ការផ្តល់សច្ចាប័នរបស់ខ្លួនជិតពីរសប្តាហ៍មុន។
គេរំពឹងថា AJCEP ដែលបានធ្វើវិសោធនកម្មនឹងចូលជាធរមាននៅក្នុងប្រទេសចំនួន ៥ ដែលនៅសល់នៅក្នុងអាស៊ាន រួមមានព្រុយណេ កម្ពុជា ឥណ្ឌូនេស៊ី ម៉ាឡេស៊ី និងហ្វីលីពីន បន្ទាប់ពីប្រទេសទាំងនេះបានបញ្ចប់នីតិវិធីច្បាប់ក្នុងស្រុកដើម្បីផ្តល់សច្ចាប័នលើឯកសារនេះ។ ដោយបានចូលជាធរមានចាប់តាំងពីឆ្នាំ ២០០៨ មកកិច្ចព្រមព្រៀង AJCEP ផ្តោតជាចម្បងលើវិស័យពាណិជ្ជកម្មទំនិញ ខណៈដែលបញ្ហាទាក់ទងនឹងការវិនិយោគនិងការបើកសេវាកម្មបន្តត្រូវបានចរចាបន្ទាប់មកទៀត។ នេះគឺជាកិច្ចព្រមព្រៀងពាណិជ្ជកម្មសេរីពហុភាគីដំបូងបង្អស់របស់ជប៉ុន។ ក្រសួងការបរទេសជប៉ុនសង្ឃឹមថាកិច្ចព្រមព្រៀងថ្មីនេះ“ នឹងជម្រុញពាណិជ្ជកម្មនិងការវិនិយោគបន្ថែមទៀតរវាងជប៉ុននិងអាស៊ានហើយនឹងបង្កើនកិច្ចសហប្រតិបត្តិការរវាងភាគីទាំងពីរ” ផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន