អាស៊ានអភិវឌ្ឍន៍ពាណិជ្ជកម្មតាមផ្លូវសមុទ្រ

កំពង់ផែ Cat Lai (វៀតណាម)

ប្រទេសវៀតណាម ថៃ ហ្វីលីពីន ម៉ាឡេស៊ី កម្ពុជា សឹង្ហបុរី ឥណ្ឌូនេស៊ី និងព្រុយណេ គឺជាប្រទេសសមាជិក អាស៊ាន ដែលមានព្រំដែនជាប់ជាមួយសមុទ្រខាងកើត។ ប្រទេសវៀតណាមគឺជាប្រទេស ត្រួសត្រាយផ្លូវ មួយនៅក្នុងតំបន់ដែលមានគម្រោងធ្វើការកែទម្រង់ប្រព័ន្ធកំពង់ផែសមុទ្រយ៉ាងព្រមៗគ្នាដើម្បីបម្រើការធ្វើ ពាណិជ្ជកម្មតាមផ្លូវសមុទ្រ។ នាយកដ្ឋាននាវាចរណ៍ វៀតណាមបានឲ្យដឹងថានាបច្ចុប្បន្នមានកំពង់ផែចំនួន ២៧២ នៅទូទាំងប្រទេសដែលប្រវែងកំពង់ផែសរុបគឺ ៩២,២ គីឡូម៉ែត្រដែលមានសមត្ថភាពសរុបលើសពី ៥៥០ លានតោន / ឆ្នាំ។ ប្រព័ន្ធកំពង់ផែសមុទ្រត្រូវបានភ្ជាប់ទៅនឹងមជ្ឈមណ្ឌលនិងតំបន់សេដ្ឋកិច្ច សំខាន់ៗរបស់ប្រទេសផងដែរ។ នាពេលបច្ចុប្បន្នបានបង្កើតឡើងកំពង់ផែសមុទ្រធំៗ ដោយមានតួរនាទី ស្នូលនៃសេវាកម្មនាំចូលនិងនាំចេញទំនិញរួមទាំងបង្កើតកម្លាំងចលករសម្រាប់ការអភិវឌ្ឍតំបន់ទាំងមូល ដូចជា៖ កំពង់ផែសមុទ្រ Quang Ninh – Hai Phong – Thua Thien Hue- Can Tho ជាដើម។

កប៉ាល់ចូលចតដាក់ទំនិញនៅកំពុងផែ​ស្វយ័ត ខេត្តព្រះសីហនុ (កម្ពុជា)

កំពង់ផែសមុទ្រខ្លះត្រូវបានវិនិយោគតាមខ្នាតទំនើបបែបអន្តរជាតិដូចជាកំពង់ផែ Ba Ria – Vung Tau កំពង់ Hai Phong។ កំពង់ផែទាំងនេះបាននិងកំពុងបំពេញតួនាទីរបស់កំពង់ផែ ច្រកទ្វារអន្តរជាតិ និងមានមុខងារក្នុងការឆ្លងកាត់នៃការដឹកជញ្ជូនទៅកាន់កំពង់ផែដទៃទៀត។ បណ្តាប្រទេសសមាជិក អាស៊ានក៏កំពុងអភិវឌ្ឍប្រព័ន្ធកំពង់ផែសមុទ្រយ៉ាងលឿននិងកងនាវាចរណ៍សមុទ្រសម្រាប់ការអភិវឌ្ឍសេដ្ឋកិច្ច។ នៅពាក់កណ្តាលឆ្នាំ ២០១៩ ប្រទេសកម្ពុជាបានបញ្ចប់ផែនការសាងសង់កំពង់ផែសមុទ្រទឹកជ្រៅ មួយនៅខេត្តកោះកុងដែលជាខេត្តមួយក្នុងចំណោមខេត្តជាប់ឆ្នេរសមុទ្រចំនួន ៤ ក្នុងគោលបំណង ជំរុញការដឹកជញ្ជូនទំនិញ។ រដ្ឋាភិបាលឥណ្ឌូនេស៊ីក៏កំពុងបង្កើនយ៉ាងល្បឿននូវការសាងសង់កំពង់ផែ Kijing ដែលជាគំរោងយុទ្ធសាស្ត្រជាតិដ៏សំខាន់មួយរបស់ឥណ្ឌូនេស៊ីឱ្យដំណើរការនៅចុងឆ្នាំ ២០២០ ។ រីឯកំពុងផែ Tanjung Pelepas នៃប្រទេសម៉ាឡេស៊ី បានចាប់ផ្តើមប្រតិបត្តិការក្នុងឆ្នាំ ២០០០ បានឡើងដល់ចំណាត់ថ្នាក់ទី ១៩ ទូទាំងពិភពលោកលើទំហំពាណិជ្ជកម្មកុងតឺន័រផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: vietnam.vnanet.vn）

（បកប្រែដោយ ហេង វុធ្ធី）