យុគសម័យ - បណ្តាប្រទេសជាសមាជិកអាស៊ាននឹងចូលរួមក្នុងការធ្វើសមយុទ្ធរួមនេះដែលត្រូវបានសហរៀបចំឡើងដោយកងទ័ពជើងទឹកអាមេរិកនិងកងទ័ពជើងទឹកថៃ ដែលនឹងអូសបន្លាយរយៈពេល ៥ ថ្ងៃដោយមានការចូលរួមនាវាយ៉ាងហោចណាស់ ៨ គ្រឿង រួមទាំងយន្តហោះគ្រប់ប្រភេទផ្សេងទៀតផងដែរ។
ការធ្វើសមយុទ្ធមួយនៅឈូងសមុទ្រថៃ (រូបថត៖ Vietnamplus.vn)
ទីភ្នាក់ងារសារព័ត៌មានក្យូដូ (Kyodo) បានចេញផ្សាយថាមានប្រភពព័ត៌មានពីសមាគមប្រជាជាតិអាស៊ីអាគ្នេយ៍ (អាស៊ាន) នាថ្ងៃទី ២១ ខែសីហាបានអះអាងថាសមយុទ្ធសមុទ្រលើកដំបូងនៅលំហរសមុទ្ររវាងកងទ័ពជើងទឹកអាមេរិកនិងអាស៊ាននឹងចាប់ផ្តើមនៅថ្ងៃទី ២ ខែកញ្ញាខាងមុខនេះនៅឈូងសមុទ្រថៃ។ បណ្តាប្រទេសជាសមាជិកអាស៊ាននឹងចូលរួមក្នុងសមយុទ្ធរួមនេះដែលត្រូវបានរៀបចំឡើងដោយកងទ័ពជើងទឹកសហរដ្ឋអាមេរិកនិងកងទ័ពជើងទឹកថៃ។
ការធ្វើសមយុទ្ធកងទ័ពជើងទឹកអាស៊ាន - អាមេរិកនឹងអូសបន្លាយរយៈពេល ៥ ថ្ងៃដែលមានការចូលរួមពីនាវាយ៉ាងតិចណាស់ ៨ គ្រឿងនិងនិងយន្ដហោះទៀតនៅឯមូលដ្ឋានកងទ័ពជើងទឹក Sattahip ខេត្ត Chonburi ហើយលាតសន្ធឹងទៅភាគខាងត្បូងខេត្ត Ca Mau នៃប្រទេស វៀតណាមផងដែរ។
គួរបញ្ជាក់ថាព្រឹត្តិការណ៍នេះហាក់ដូចជាផ្នែកមួយនៃកិច្ចខិតខំប្រឹងប្រែងដើម្បីបង្កើតតុល្យភាពរវាងចិននិងសហរដ្ឋអាមេរិក ដែលជាប្រទេសមហាអំណាចទាំងពីរមានឥទ្ធិពលគួរឱ្យកត់សម្គាល់នៅក្នុងតំបន់ ជាពិសេសនៅសមុទ្រខាងកើត៕
（យោងតាម vietnamplus.vn បកប្រែដោយ ហេង វុធ្ធី）
មតិពីមិត្តអ្នកអាន