យុគសម័យ - នាថ្ងៃទី ២៨ ខែសីហា (ថ្ងៃទី ២៨ ខែសីហា ម៉ោងវៀតណាម) សហភាពអឺរ៉ុប (EU) បានចេញសេចក្តីថ្លែងការណ៍ទាក់ទងនឹងការវិវត្តថ្មីៗនៅសមុទ្រខាងកើត។
សហគមន៍អ៊ឺរ៉ុបអំពាវនាវឱ្យមានការដោះស្រាយវិវាទនៅសមុទ្រខាងកើតដោយសន្តិវិធីស្របតាមច្បាប់អន្តរជាតិ
សេចក្តីថ្លែងការណ៍របស់លោកស្រី Maja Kocijancic អ្នកនាំពាក្យតំណាងគោលនយោបាយការបរទេសនិងសន្តិសុខសហភាពអឺរ៉ុបបានបញ្ជាក់ថា៖ “សកម្មភាពឯកតោភាគីនៅក្នុងសប្តាហ៍ថ្មីៗនេះនៅក្នុងសមុទ្រខាងកើតបានបណ្តាលឱ្យមានការកើនឡើងភាពតានតឹងនិងប៉ះពាល់ដល់បរិស្ថានសន្តិសុខសមុទ្រដែលបង្កជាការគំរាមកំហែងយ៉ាងធ្ងន់ធ្ងរដល់ការអភិវឌ្ឍសេដ្ឋកិច្ចដោយសន្តិភាពក្នុងតំបន់។ ចំណុចសំខាន់សម្រាប់គ្រប់ភាគីទាំងអស់នៅក្នុងតំបន់គឺជាបង្ហាញការ អត់ធ្មត់ចាត់វិធានការជាក់ស្តែងឆ្ពោះទៅស្តារស្ថានភាពឡើងវិញ ការរឹតត្បិតអនុវត្តរបបយោធានិយមនៅក្នុងតំបន់និងការដោះស្រាយជម្លោះតាមរយៈមធ្យោបាយសន្តិភាពស្របតាមច្បាប់អន្តរជាតិ ជាពិសេសអនុសញ្ញានៃអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។ ភាគីនានាអាចស្វែងរកជំនួយពីភាគីទីបីក្នុងទម្រង់នៃការផ្សះផ្សាឬអាជ្ញាកណ្តាលដើម្បីបង្កើតលក្ខខណ្ឌក្នុងការដោះស្រាយបណ្តឹងតវ៉ារបស់ភាគីនីមួយៗ - ប្រសិនបើមានប្រយោជន៍"។
សេចក្តីថ្លែងការណ៍បានបន្ថែមថា “សហភាពអឺរ៉ុបនឹងបន្តគាំទ្រយ៉ាងពេញទំហឹងដល់ដំណើរការដែលដឹកនាំដោយសមាគមប្រជាជាតិអាស៊ីអាគ្នេយ៍ (អាស៊ាន) ដើម្បីលើកកម្ពស់ថែមទៀតនូវលំដាប់តំបន់និងអន្តរជាតិដែលផ្អែកលើច្បាប់ ការពង្រឹងកិច្ចសហប្រតិបត្តិការពហុភាគីក៏ដូចជាកិច្ចសហប្រតិបត្តិការកាន់តែជិតស្និទ្ធជាមួយភាគីទីបី។ យើងរំពឹងថាភាគីទាំងអស់នឹងបញ្ចប់ការចរចាក្នុងពេលឆាប់ៗដេលមានលក្ខណៈតម្លាភាពអំពី “ក្រមប្រតិបតិ្ត” ដែលមានប្រសិទ្ធិភាពនិងស្របតាមច្បាប់។
សហភាពអ៊ឺរ៉ុបបញ្ជាក់ការប្តេជ្ញាចិត្តចំពោះសណ្តាប់ធ្នាប់ស្របតាមច្បាប់នៅតាមសមុទ្រនិងមហាសមុទ្រដោយផ្អែកលើច្បាប់អន្តរជាតិសន្តិសុខនិងសហប្រតិបត្តិការសមុទ្រក៏ដូចជាសេរីភាពនៃការធ្វើនាវាចរណ៍និងអាកាសចរណ៍សម្រាប់ផលប្រយោជន៍របស់ភាគីទាំងអស់គ្នា៕
(យោងតាម baotintuc ប្រែសម្រូលដោយវិច្ឆិកា)
មតិពីមិត្តអ្នកអាន