នៅក្នុងវិធានការមួយ ដែលបង្ហាញពីល្បឿន របស់រដ្ឋាភិបាលទីក្រុងមូស្គូ ក្នុងការបង្កើនផែនការ របស់ខ្លួនក្នុងការចែកចាយវ៉ាក់សាំង ដ៏ចម្រូងចម្រាស ដែលមានឈ្មោះថា Sputnik V – នៅសប្តាហ៍នេះខ្លួនបានយល់ព្រម ក្នុងការលក់វ៉ាក់សាំង ជាច្រើនទៅឲ្យមន្ទីរពិសោធន៍ របស់ក្រុមហ៊ុនថ្នាំឥណ្ឌា Dr Reddy ។
ប្រធានាធិបតីរុស្ស៊ី លោក វ្លាឌីមៀរ ពូទីន។ (រូបថត៖ dap.com.khmer)
កិច្ចព្រមព្រៀងនេះ ធ្វើឡើងដោយមូលនិធិវិនិយោគផ្ទាល់រុស្ស៊ី ដែលមានឈ្មោះថា RDIF ជាមួយក្រុមហ៊ុនផលិតឥណ្ឌា ដើម្បីផលិតវ៉ាក់សាំង ចំនួនសរុបដល់ទៅ ៣០០ លានដូសនៅក្នុងប្រទេសឥណ្ឌាដែលក៏ជាអតិថិជនទិញប្រេង និងអាវុធរបស់រុស្ស៊ីដ៏ខ្លាំងមួយផងដែរ។ RDIF បាននិយាយ នៅក្នុងសេចក្តី ថ្លែងការណ៍មួយថា Dr Reddy ដែលជាក្រុមហ៊ុនឱសថកំពូលមួយរបស់ប្រទេសឥណ្ឌានឹងអនុវត្តការ សាកល្បងព្យាបាលវ៉ាក់សាំង ដំណាក់កាលទី ៣ នៅក្នុងប្រទេស ដោយរង់ចាំការអនុម័ត ជាមុនពីសំណាក់រដ្ឋាភិបាល៕
សូមរំលឹកថា អ្នកនាំពាក្យក្រសួងការបរទេសរុស្ស៊ីលោ កស្រីហ្សាកា ហាវ៉ា បានប្រាប់សន្និសីទសារព័ត៌មានមួយថា ប្រទេសរុស្ស៊ីរក្សាទំនាក់ទំនងជិតស្និទ្ធបំផុតជាមួយអង្គការសុខភាពពិភពលោក (WHO) ស្តីពីការអភិវឌ្ឍនិងការប្រើប្រាស់អនាគតរបស់វ៉ាក់សាំង។ អង្គការសុខភាព ពិភពលោក បានចាប់ផ្តើមដំណើរការឧបករណ៍ទទួលបន្ទុកជំងឺកូវីដ-១៩ ដែលជាភាពជាដៃគូសកល ដើម្បីពន្លឿនការអភិវឌ្ឍផលិតកម្ម និងលទ្ធភាពទទួលបានការធ្វើតេស្តការពារ និងចាក់វ៉ាក់សាំងដោយស្មើភាព./.
（បូកសរុបដោយឌីណា）
មតិពីមិត្តអ្នកអាន