រដ្ឋសភានិងព្រឹទ្ធសភាបារាំងពិភាក្សាអំពីស្ថានភាពនៅសមុទ្រខាងកើត

ទិដ្ឋភាពនៃសិក្ខាសាលា (រូបថត៖ vov.vn)

សិក្ខាសាលានេះមានការចូលរួមរបស់ លោក Nguyen Thiep ឯកអគ្គរដ្ឋទូតវៀតណាមប្រចាំនៅប្រទេសបារាំង រួមទាំងអ្នកនយោបាយ អ្នកស្រាវជ្រាវ អ្នកវិទ្យាសាស្ត្រ គ្រូបង្រៀននៅសាកលវិទ្យាល័យ អ្នកការទូត អ្នកសារព័ត៌មានជាច្រើនរូបទៀតផង។

អ្នកវិទ្យាសាស្ត្រ អ្នកស្រាវជ្រាវ អ្នកការទូតនិងអ្នកនយោបាយក៏ដូចជាអ្នកចូលរួមបានផ្តោតការយកចិត្តទុកដាក់លើការពិភាក្សាអំពីប្រធានបទ“ បញ្ហាប្រឈមខាងភូមិសាស្ត្រនិងច្បាប់នៅសមុទ្រខាងកើតចំពោះប្រទេសនានាដែលជាប់សុទ្រខាងកើត និងប្រទេសមហាអំណាច រួមទាំងរវាងភាពតានតឹងនិងកិច្ចសហប្រតិបត្តិការ”។

សិក្ខាសាលាអន្តរជាតិស្តីពីស្ថានភាពនៅសមុទ្រខាងកើតដែលធ្វើឡើងដំណាលគ្នាទាំងព្រឹទ្ធសភានិងរដ្ឋសភាបារាំង ដោយចាត់ទុកថានេះគឺជាព្រឹត្តិការណ៍នយោបាយពិសេសមួយ ដែលបង្ហាញចំណាប់អារម្មណ៍របស់បារាំងចំពោះស្ថានភាពនៅសមុទ្រខាងកើតផងដែរ។ សមុទ្រខាងកើតត្រូវបានបារាំងកំណត់ថាជា មជ្ឈភាពនៃតំបន់ធំមួយដែលបារាំងក៏ដូចជាប្រទេសមួយចំនួនទៀតប្រើពាក្យថា «ឥណ្ឌា - ប៉ាស៊ីហ្វិក»។

នាឆ្នាំ ២០១៩ កន្លងមក បារាំងបានដាក់ចេញនូវយុទ្ធសាស្ត្រជាក់លាក់មួយសម្រាប់ឥណ្ឌូ - ប៉ាស៊ីហ្វិកដោយផ្តោតសំខាន់លើសមុទ្រខាងកើត ដែលជាតំបន់មានភាពតានតឹងជាច្រើនកំពុងកើតឡើង និងគំរាមកំហែងដល់សេរីភាពនាវាចរណ៍និងអាកាសចរណ៍អន្តរជាតិ។ ក្នុងយុទ្ធសាស្ត្រនេះបារាំងក៏បានបញ្ជាក់ផងដែរថានឹងបន្តពង្រឹងវត្តមានរបស់ខ្លួននៅសមុទ្រខាងកើត ដើម្បីរួមចំណែកដល់សន្តិសុខនិងធានានូវសេរីភាពនៃការធ្វើនាវាចរអាកាសចរណ៍ក្នុងតំបន់សមុទ្រអន្តរជាតិដ៏សំខាន់ៗនេះផងដែរ៕

（បកប្រែដោយ ហេង វុធ្ធី）

（បកប្រែដោយ ហេង វុធ្ធី）