តាមអង្គការសហប្រជាជាតិ បច្ចុប្បន្នវ៉ាក់សាំង COVID-19 ច្រើនជាង ១៣០ កំពុងស្ថិតនៅក្រោមការអភិវឌ្ឍ និងធ្វើតេស្ដសាកល្បងនៅជុំវិញពិភពលោក ហើយក្នុងនោះវ៉ាក់សាំងចំនួន ១០ ត្រូវបានគេមើលឃើញថា មានភាពជឿនលឿន និងកំពុងស្ថិតនៅក្រោមការវាយតម្លៃពីប្រសិទ្ធភាព និងសុវត្ថិភាព។
ការស្រាវជ្រាវវ៉ាក់សាំង COVID-19 ។ (រូបថត៖ Dap.com.khmer)
យោងតាម រដ្ឋាភិបាលនៃប្រទេសប្រេស៊ីល បានប្រកាសអនុញ្ញាតិ ឲ្យមានការធ្វើតេស្តវ៉ាក់សាំង ដែលត្រូវបានផលិត ដោយសកលវិទ្យាល័យOxford នៃចក្រភពអង់គ្លេស។
ទីភ្នាក់ងារឃ្លាំមើលសុខភាពជាតិ ឬហៅកាត់ថា Anvisa បាននិយាយថា វ៉ាក់សាំងនេះ គឺជាវិធីតែមួយគត់ ដើម្បីត្រួសត្រាយផ្លូវ ក្នុងការប្រយុទ្ធប្រឆាំងនឹងវីរុស ហើយប្រេស៊ីល នឹងក្លាយជាប្រទេសដំបូង នៅខាងក្រៅចក្រភពអង់គ្លេស ដែលទទួលបានសិទ្ធក្នុង ការសាកល្បងវ៉ាក់សាំងទាំងនោះ។
ការធ្វើតេស្តនឹងត្រូវធ្វើឡើង ដោយមានការគាំទ្រយ៉ាងពេញ ទំហឹងពីសំណាក់រដ្ឋមន្ត្រីសុខាភិបាល ប្រេស៊ីលហើយវានឹង ត្រូវប្រើប្រាស់ទៅលើ តែអ្នកជំងឺទាំងឡាយណាដែលមិនធ្លាប់បានឆ្លងវិរុសនេះ ពីមុនមកប៉ុណ្ណោះ និងដោយការស្ម័គ្រចិត្តផងដែរ ។
វ៉ាក់សាំងនេះបានធ្វើតេស្ត ជោគជ័យរួចមកហើយ ទៅលើមន្ទីរពិសោធន៍ ដែលប្រើប្រាស់សត្វស្វា ហើយបច្ចុប្បន្នកំពុងចាប់ ផ្តើមធ្វើតេស្តទៅលើមនុស្ស ១០០០០នាក់ នៅក្នុងប្រទេសអង់គ្លេស និងបន្តធ្វើតេស្តនៅក្រៅប្រទេសផង គឺប្រេស៊ីលដើម្បីធ្វើឲ្យកម្រិតច្បាស់ លាស់កាន់តែអាចទុកចិត្តបាន ៕
(បូកសរុបដោយឌីណា)
មតិពីមិត្តអ្នកអាន