យុគសម័យ - អាស៊ាននិងប្រទេសដៃគូសន្ទនារួមមានប្រទេស កូរ៉េខាងត្បួង ចិន ជប៉ុនអូស្រ្តាលី និង នូវែលសេឡង បានឈានដល់កិច្ចព្រមព្រៀងបញ្ឈប់ការចរចារ RCEP នៅខែវិច្ឆិកាឆ្នាំ ២០១៩ ។
ប្រទេសកូរ៉េខាងត្បូងខិតខំលើកកម្ពស់ RCEP ជាមួយបណ្តាប្រទេសអាស៊ាន។ (រូបថត៖ asean.org)
នៅថ្ងៃទី ៧ ខែមករារដ្ឋមន្រ្តីក្រសួងពាណិជ្ជកម្មកូរ៉េខាងត្បូងលោក Yoo Myung-hee បានឲ្យដឹងថាប្រទេសនេះនឹងខិតខំប្រឹងប្រែងចូលរួមចំណែកដល់ការបញ្ចប់កិច្ចព្រមព្រៀងភាពជាដៃគូគ្រប់ជ្រុងជ្រោយនិងភាពជឿនលឿនក្នុងតំបន់ (RCEP) មុនដំណាច់ឆ្នាំ ២០២០ ដោយបង្កើតឡើងទំនាក់ទំនងជិតស្និទ្ធជាមួយសមាគមប្រជាជាតិអាស៊ីអាគ្នេយ៍ (អាស៊ាន) នៅពេលសេអ៊ូលព្យាយាមស្តារសកម្មភាពនាំចេញកំពុងខ្សោយ។
ទន្ទឹមនឹងការខិតខំទាំងនេះ យោងតាមក្រសួងពាណិជ្ជកម្មឧស្សាហកម្មនិងថាមពល អនុរដ្ឋមន្រ្តីពាណិជ្ជកម្មកូរ៉េខាងត្បូងលោក Yeo Han-koo គ្រោងនឹងធ្វើទស្សនកិច្ចនៅទីស្នាក់ការអាស៊ាននៅប្រទេសឥណ្ឌូនេស៊ីនៅថ្ងៃទី ៧ ខែកក្កដា ដើម្បីជួបអគ្គលេខាធិការ Lim Jock Hoi។
យោងតាមក្រសួងពាណិជ្ជកម្មឧស្សាហកម្មនិងថាមពលអនុរដ្ឋមន្រ្តីពាណិជ្ជកម្មកូរ៉េខាងត្បូង RCEP ដែលជាកិច្ចព្រមព្រៀងពាណិជ្ជកម្មដ៏ធំមួយនឹងជួយប្រទេសដែលចូលរួមក្នុងកិច្ចព្រមព្រៀងជំនះអស្ថិរភាពពិភពលោកនិងការកើនឡើងនូវការគាំពារនិយមពាណិជ្ជកម្ម។
អាស៊ាននិងប្រទេសដៃគូសន្ទនារួមមានប្រទេស កូរ៉េខាងត្បូង ចិន ជប៉ុន អូស្ត្រាលី និង នូវែលសេឡង់ បានឈានដល់កិច្ចព្រមព្រៀងដើម្បីបញ្ចប់ការចរចារ RCEP នៅខែវិច្ឆិកាឆ្នាំ ២០១៩ ដោយមានគោលដៅបញ្ចប់កិច្ចព្រមព្រៀងនេះនៅឆ្នាំ ២០២០ ។
កិច្ចព្រមព្រៀងត្រូវបានឈានដល់បន្ទាប់ពីប្រទេសដែលចូលរួមបានចរចាគ្នាកាលពីឆ្នាំ ២០១៣ លើកិច្ចព្រមព្រៀងមួយដែលនឹងបង្កើតប្លុកសេដ្ឋកិច្ចដ៏ធំមួយដែលមានចំនួន ៥០% នៃប្រជាជនពិភពលោកនិងមួយភាគបីនៃផលិតផលក្នុងស្រុកសរុប (GDP) នៃពិភពលោក។
ទោះបីជាប្រទេសឥណ្ឌាបានប្រកាសដកខ្លួនចេញនៅនាទីចុងក្រោយក៏ដោយក៏ប្រទេសដែលចូលរួមក្នុង RCEP នៅតែខិតខំចុះហត្ថលេខាក្នុងឆ្នាំ ២០២០ ។
តួលេខជំនួញនាំចេញរបស់កូរ៉េខាងត្បូងឈានដល់ ៥៤២,៤ ពាន់លានដុល្លារក្នុងឆ្នាំ ២០១៩ ធ្លាក់ចុះ ១០.៣% បើប្រៀបធៀបនឹងឆ្នាំ ២០១៨។ នេះជាលើកដំបូង ក្នុងរយៈពេល ១០ ឆ្នាំកន្លងមកដែលការនាំចេញរបស់កូរ៉េខាងត្បូងថយចុះក្នុងអត្រា ២ ខ្ទង់។
ទោះជាយ៉ាងណាដោយសារការខិតខំប្រឹងប្រែងរបស់កូរ៉េខាងត្បូងក្នុងការធ្វើពិពិធកម្មផលប័ត្រនាំចេញរបស់ខ្លួន បណ្តាប្រទេសអាស៊ីអាគ្នេយ៍មានចំនួនច្រើនជាង ២០% នៃតួលេខជំនួញ នាំចេញរបស់ប្រទេសនេះជាលើកដំបូងនៅឆ្នាំ ២០១៩ ដែលកើនឡើងពី ១៩,១% ក្នុងឆ្នាំ ២០១៨៕
(ប្រែសម្រូលដោយវិច្ឆិកា)
មតិពីមិត្តអ្នកអាន