ដំណើរការចរចារកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានឈានដល់ដំណាក់កាលចុងក្រោយ- ដំណាក់កាលពិនិត្យឡើងវិញនិងបំពេញនីតិវិធីច្បាប់។
លោកនាយករដ្ឋមន្ត្រី Nguyen Xuan Phuc (ទី ៨ ខាងស្តាំ) និងថ្នាក់ដឹកនាំបណ្តាប្រទេសជាសមាជិកនៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ ក្នុងតំបន់ (RCEP) ថតរូបនៅឯកិច្ចប្រជុំកំពូល RCEP លើកទី ៣ នៅទីក្រុងបាងកក ប្រទេសថៃ នាថ្ងៃទី ៤ ខែវិច្ឆិកាឆ្នាំ ២០១៩ ។ (រូបថត៖ AFP / VNA)
កិច្ចព្រមព្រៀងនេះត្រូវបានគេរំពឹងថា នឹងត្រូវចុះហត្ថលេខា នាពេលអនាគតឆាប់ៗនេះ សូម្បីតែគ្មានការចូលរួមពីឥណ្ឌាក៏ដោយ។
យោងតាមលោក Jerry Sambuaga អនុរដ្ឋមន្រ្តីក្រសួងពាណិជ្ជកម្មឥណ្ឌូណេស៊ីដំណើរការនេះតម្រូវឱ្យអ្នកចរចាឥណ្ឌូនេស៊ីខិតខំធ្វើការ ដើម្បីការពារផលប្រយោជន៍ជាតិ ពីព្រោះការពិនិត្យឡើងវិញនៃនីតិវិធីច្បាប់ជាដំណើរការសំខាន់ៗ។
ប្រធានគណៈកម្មាធិការចរចា RCEP របស់អាស៊ាន ដែលជាប្រធានគណៈកម្មាធិការចរចាពាណិជ្ជកម្ម RCEP ចំណុះក្រសួងពាណិជ្ជកម្មឥណ្ឌូណេស៊ី លោក Iman Pambagyo បាននិយាយថាដោយការបញ្ចប់ពាណិជ្ជកម្មសេដ្ឋកិច្ចនិងកិច្ចពិភាក្សាពាណិជ្ជកម្ម សេដ្ឋកិច្ចនិងវិនិយោគ RCEP ប្រទេសឥណ្ឌូនេស៊ីមានឱកាសឆ្ពោះទៅកាន់ទីផ្សារកាន់តែទូលំទូលាយនិងលើកកម្ពស់ការប្រកួតប្រជែង។
ប៉ុន្តែប្រទេសឥណ្ឌូនេស៊ីក៏ត្រូវការកែលំអគុណភាពផលិតផល ម៉ាក ប្រព័ន្ធ ដឹកជញ្ជូន ប្រព័ន្ធទូទាត់។ ប្រទេសនេះត្រូវការផលិតទំនិញដែលមានគុណភាពខ្ពស់និងមានការប្រកួតប្រជែង ដើម្បីឈានចូលដល់ទីផ្សារដ៏ធំនៃតំបន់ដោយជោគជ័យ។
ទាក់ទងនឹងប្រទេសឥណ្ឌា លោក Iman Pambagyo មានប្រសាសន៍ថាការចូលរួមរបស់ប្រទេសនេះមានសារៈសំខាន់ណាស់ទាំងផ្នែកសេដ្ឋកិច្ច នយោបាយនិងសាមគ្គីភាពរបស់បណ្តាប្រទេសនៅអាស៊ី។ ប្រទេសឥណ្ឌាជាប្រទេសធំ ហើយដើរតួនាទីយ៉ាងសំខាន់នៅអាស៊ី។
ប្រទេសឥណ្ឌូណេស៊ីសង្ឃឹមថា ឥណ្ឌាក៏អាចចូលរួម ព្រោះបន្ទាប់ពីកិច្ចព្រមព្រៀងត្រូវបានចុះហត្ថលេខារវាងប្រទេសជាសមាជិកទាំង ១៥ ប្រទេស ដែលនៅតែបើកទ្វារចំហសម្រាប់ការចូលរួមរបស់ឥណ្ឌា។
ប្រទេសឥណ្ឌាបានសម្រេចចិត្តដកខ្លួនចេញពីដំណើរការចរចារ RCEP ដោយសារភាពខុសគ្នាជាមួយប្រទេសផ្សេងៗជាពិសេសគឺប្រទេសចិន។ ទោះយ៉ាងណាអាស៊ាននិងប្រទេសដែលចូលរួមក្នុង RCEP នៅតែផ្តល់ជម្រើសសម្រាប់ការចូលរួមនាពេលអនាគតរបស់ឥណ្ឌា ./.(បកប្រែដោយឌីណា)
មតិពីមិត្តអ្នកអាន