យុគសម័យ - ប្រធានខុទ្ទកាល័យគណៈរដ្ឋមន្ត្រីជប៉ុន លោក Yoshihide Suga បានឲ្យដឹងថាជប៉ុនបានបន្តទទួលរបាយការណ៍អំពីហេតុការណ៍នានាដែលពាក់ព័ន្ធនឹងសកម្មភាពនាវាចិនហើយ ភ្លាមៗមួយរំពេច ជប៉ុនក៏បានសម្តែងការប្រឆាំងជំទាស់យ៉ាងខ្លាំងចំពោះទីក្រុងប៉េកាំងតាមរយៈផ្លូវការទូតផងដែរ
តំបន់ប្រជុំជម្លោះដែលជប៉ុននិងហៅថាកោះ Senkaku ខណៈដែលចិនហៅថា កោះ Diaoyudao (រូបថត៖ Japan Times)
ប្រទេសជប៉ុនបានរិះគន់ចំពោះការដែលនាវាចិនរំលោភបំពានជាបន្តបន្ទាប់លើដែនសមុទ្ររបស់ជប៉ុន រួមទាំងការដេញតាមចាប់នាវានេសាទរបស់ប្រទេសនេះផងដែរ។
នាថ្ងៃទី ១១ ខែឧសភា ថ្លែងក្នុងសន្និសីទសារព័ត៌មានជាប្រចាំ ប្រធានខុទ្ទកាល័យគណៈរដ្ឋមន្ត្រីជប៉ុន លោក Yoshihide Suga បានឲ្យដឹងថាជប៉ុនបានបន្តទទួលរបាយការណ៍អំពីហេតុការណ៍នានាដែលពាក់ព័ន្ធនឹងសកម្មភាពនាវាចិនហើយ ភ្លាមៗមួយរំពេច ជប៉ុនក៏បានសម្តែងការប្រឆាំងជំទាស់យ៉ាងខ្លាំងចំពោះទីក្រុងប៉េកាំងតាមរយៈផ្លូវការទូតផងដែរ។
មន្រ្តីជប៉ុនបានព្រមានថាសកម្មភាពរបស់ចិនអាចប៉ះពាល់ដល់កិច្ចសហប្រតិបត្តិការរបស់សហគមន៍អន្តរជាតិនិយាយរួម ដែលក្នុងនោះរួមមានការងារទប់ស្កាត់ជំងឺរាតត្បាតសកលកូវីដ១៩ផងដែរ។
គួរជម្រាបថា ចាប់ពីថ្ងៃទី ៨ ដល់ថ្ងៃទី ១០ ខែឧសភា នាវាឆ្មាំសមុទ្រចិនបាន ដេញតាមចាប់ឬចូលខិតមកជិតនាវានេសាទជប៉ុនចំនួន៣ដងនៅដែនសមុទ្រ ជុំវិញប្រជុំកោះដែលជប៉ុននិងហៅថាកោះ Senkaku ខណៈដែលចិនហៅថាកោះ Diaoyudao ។
កងកម្លាំងឆ្មាំសមុទ្រជប៉ុន (JCG) បានស្នើឱ្យនាវាចិនចាកចេញពីតំបន់នោះហើយថែមទាំង ដាក់ពង្រាយនាវាយាមល្បាតមួយក្រុមដើម្បីការពារនាវានេសាទនេះផងដែរ៕
នាវាសមុទ្រចិនបានដំណើរការជាបន្តបន្ទាប់នៅក្នុងដែនសមុទ្ររបស់ជប៉ុនអស់រយៈពេល ២៦ ម៉ោង ហើយហេតុការណ៍នេះបន្តកើតមានឡើងដែលធ្វើឲ្យតំបន់ សមុទ្រនេះកាន់តែមានភាពតានតឹងតែម្តង៕
（បកប្រែដោយ ហេងវុធ្ធី）
（ប្រភពព័ត៌មាន: baotintuc.vn）
មតិពីមិត្តអ្នកអាន