យុគសម័យ - ការរឹតត្បិតការធ្វើដំណើរដោយសារតែវិធានការណ៍បង្ការប្រយុទ្ធប្រឆាំងនឹងកូវិដ១៩ មិនជ្រៀតជ្រែកក្នុងការចរចាកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នៅពេលដែលការចរចារនឹងត្រូវប្តូរទៅជាកិច្ចប្រជុំតាមអ៊ិនធរណេតដើម្បីបង្កើន ពន្លឿនការបញ្ចប់កិច្ចព្រមព្រៀង។
សមាជិករបស់ RCEP នៅតែកំពុងស្វែងរកដំណោះស្រាយហើយសង្ឃឹមថាឥណ្ឌានឹងវិលត្រឡប់មករកតុចរចាវិញឆាប់ៗនេះ។
លោក Ronnarong Phoolpipat អគ្គអធិការកិច្ចពាណិជ្ជកម្មនិងជាប្រធានក្រុមចរចា RCEP របស់ថៃបានឲ្យដឹងថាកិច្ចពិភាក្សាតាមអ៊ិនធឺរណែតនាពេលថ្មីៗនេះគឺ «មានប្រសិទ្ធិភាពនិងប្រយោជន៍គួរឱ្យភ្ញាក់ផ្អើល»។ បណ្តាអ្នកចរចាបានសម្រេចនូវបញ្ហាជាច្រើនក្នុងរយៈពេល ២ ខែកន្លងមកនេះ និងសម្រេចបាននូវប្រសិទ្ធភាពលឿនសន្សំសំចៃពេលវេលានិងថវិកា។
ដូច្នោះហើយសមាជិក RCEP នឹងបញ្ចប់ការចរចាចំនួន ២០ ជំពូកដោយផ្អែកលើឯកសារច្បាប់ត្រឹមខែកក្កដាហើយនឹងធ្វើឯកសារសាធារណៈលើគ្រប់វិស័យពាក់ព័ន្ធ។
ខាងភាគីឥណ្ឌាលោក Ronnarong បានឲ្យដឹងថាសមាជិករបស់ RCEP នៅតែកំពុងស្វែងរកដំណោះស្រាយហើយសង្ឃឹមថាឥណ្ឌានឹងវិលត្រឡប់មករកតុចរចាវិញឆាប់ៗនេះ៕
（ប្រែសម្រូលដោយវិច្ឆិកា）
មតិពីមិត្តអ្នកអាន