Trending now

កូរ៉េខាងជើងបន្តបាញ់ផ្លោងមីស៊ីលបាលិស្ទីគជាលើកទី៥

11:23 | 10/08/2019 (សរុបព័ត៌មាន ដោយ ស្រីព្រេជ)

យុគសម័យ - កូរ៉េខាងជើងបន្តការបាញ់សាកល្បងមីស៊ីលបាលិស្ទីគ រយៈចំងាយខ្លីចំនួនពីរគ្រាប់ជាថ្មីនិងជាលើកទី៥ ក្នុងរយៈពេលប៉ុន្មានសប្ដាហ៍ចុងក្រោយនេះទៅកាន់សមុទ្រជប៉ុន។

ប្រធានាធិបតីអាមេរិកលោក Donald Trump អញ្ជើញថ្លែងជាមួយអ្នកសារព័ត៌មាននៅពេលចាកចេញពីសេតវិមានទៅកាន់ញូវយ៉កនិងញូវជឺស៊ីនៅថ្ងៃទី ៩ ខែសីហា (រូបថត៖ REUTERS)

យោធាកូរ៉េខាងត្បូង (JCS) នៅក្នុងសេចក្ដីថ្លែងការណ៍របស់ខ្លួន បានបញ្ជាក់ទៀតថា មីស៊ីលទាំងពីរគ្រាប់ខាងលើ ត្រូវបានបាញ់ចេញពីតំបន់មួយស្ថិតនៅក្បែរទីក្រុង Hamhung នៃខេត្ត Hamgyong ខាងត្បូង នៅម៉ោងប្រមាណ៥៖៣៤នាទី និងម៉ោង៥៖៥០នាទីព្រឹក ថ្ងៃ ទី១១ ខែសីហា មុននឹងវាធ្លាក់ចូលក្នុងសមុទ្រជប៉ុនឬសមុទ្រខាងកើត។ មីស៊ីលទាំងពីរនេះហោះបានក្នុងរយៈចំងាយ៤០០គីឡូម៉ែត្រ ជាមួយរយៈកម្ពស់៤៨គីឡូម៉ែត្រ។

មីស៊ីលកូរ៉េបានចាកចេញពីបន្ទះបាញ់បង្ហោះនៅថ្ងៃទី ៦ សីហា (រូបថតៈYonhap/TTXVN)

គួរបញ្ជាក់ថា ការបាញ់សាកល្បងមីស៊ីលរបស់កូរ៉េខាងជើង នៅថ្ងៃទី១១ខែសីហានេះ គឺជាលើកទី៥ បន្ទាប់ពីបានធ្វើតេស្ដមីស៊ីលបែបនេះ ៤ លើករួចមកហើយ កាលពីថ្ងៃទី ២៥ និងថ្ងៃទី៣១ ខែកក្កដា ព្រមទាំងថ្ងៃទី២ និងថ្ងៃទី៦ ខែសីហា កន្លងទៅនេះ។ ប៉ុន្តែ គួរឱ្យកត់សម្គាល់ ការបាញ់សាកល្បងមីស៊ីលនេះ ធ្វើឡើងតែប៉ុន្មានម៉ោងប៉ុណ្ណោះ ក្រោយប្រធានាធិបតីអាមេរិក លោក Donald Trump ប្រកាសថាលោកទទួលបានសំបុត្រមួយច្បាប់ពីលោក Kim Jong-un ដែលសម្ដែងការមិនពេញចិត្តប្រាប់លោកពីការធ្វើសមយុទ្ធយោធារវាងទីក្រុងវ៉ាស៊ីនតោន និងទីក្រុង សេអ៊ូល៕

(សរុបព័ត៌មាន ដោយ ស្រីព្រេជ)

(សរុបព័ត៌មាន ដោយ ស្រីព្រេជ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់