ក្រុមហ៊ុនថ្នាំវ៉ាក់សាំង កូវីដ១៩ចិន ឈ្មោះ Sinovac Biotech តាមសេចក្តីរាយការណ៍ បានចាប់ផ្តើមធ្វើតេស្តសាកល្បង ថ្នាំវ៉ាក់សាំងដំណាក់ កាលចុងក្រោយ នៅក្នុងប្រទេសឥណ្ឌូនេស៊ី ដោយចងជាដៃគូជាមួយក្រុមហ៊ុន ឱសថរដ្ឋឥណ្ឌូនេស៊ី ឈ្មោះ PT Bio Farma។
ក្រុមផលិតថ្នាំ វ៉ាក់សាំងកូរ៉ូណាចិន ចាប់ផ្តើមសាកល្បង លើមនុស្ស នៅឥណ្ឌូនេស៊ី។ (រូបថត៖ dap.com.khmer)
យោងទៅតាមទីភ្នាក់ងារ សារព័ត៌មានតួកគី TRT World និងសារព័ត៌មានចិន ស៊ិនហួ បានឲ្យដឹងថា ដំណាក់កាលទី៣នៃការតេស្តសាកល្បងថ្នាំវ៉ាក់សាំង បានចាប់ផ្តើម នៅថ្ងៃអង្គារម្សិលមិញនេះ ហើយវាមានការចូលរួម ដោយអ្នកស្ម័គ្រចិត្តចំនួន ១.៦២០ នាក់ នៅក្នុងប្រទេសឥណ្ឌូនេស៊ី ។
សូមជម្រាបថា ក្រុមហ៊ុន Sinovac បានប្រកាសលម្អិតកាលពីថ្ងៃចន្ទ ដែលបានមកការសិក្សាក្នុងជំហានទី២ ឬដំណាក់កាលពាក់កណ្តាល ដោយបាននិយាយថា វ៉ាក់សាំងបានលេចជារូបរាងឡើង ដែលមានសុវត្ថិភាព និងបានបង្ហាញអំពីការឆ្លើយតប ទៅនឹងការបង្កើតឲ្យមានភាពសុំានឹងជំងឺ នៅក្នុងគោលបំណងជាច្រើនទៀត ។
បេក្ខភាពវ៉ាក់សាំង ត្រូវបានគេស្គាល់ឈ្មោះថា CoronaVac ក៏ត្រូវបានស្ថិតក្រោមការវិនិច្ឆ័យទ្រង់ទ្រាយធំចុងក្រោយ នៅក្នុងប្រទេសប្រេស៊ីល ហើយក្រុមហ៊ុន Sinovac រំពឹងថា នឹងធ្វើតេស្តនៅក្នុងប្រទេសបង់ក្លាដេស ទៀត ./.
（បូកសរុបដោយឌីណា）
មតិពីមិត្តអ្នកអាន