ក្នុងក្របខ័ណ្ឌនៃការត្រៀមរៀបចំសម្រាប់កិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានា នាថ្ងៃទី១១ ខែវិចិ្ឆកា កិច្ចប្រជុំថ្នាក់រដ្ឋមន្រ្តីសេដ្ឋកិច្ចស្ដីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ត្រូវបានរៀបចំឡើងតាមប្រព័ន្ធវីដេអូ។
ទិដ្ឋភាពនៃសន្និសីទសារព័ត៌មានស្ដីពីកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានា (រូបថត៖ congthuong.vn)
សូមរំលឹកថា ប្រទេសសមាជិកទាំងឡាយបានបញ្ជាក់លើគោលដៅចុះហត្ថលិខាលើកិច្ចព្រមព្រៀង RCEP នៅឆ្នាំ២០២០នេះ ដើម្បីជម្រុញប្រព័ន្ធពាណិជ្ជកម្មពហុភាគី សេរីភាវូបនីយកម្មពាណិជ្ជកម្ម និងការវិនិយោគ ហើយនេះក៏ជាការចូលរួមចំណែកក្នុងការស្ដារឡើងវិញក្រោយជំងឺរាតត្បាតក្នុងតំបន់ផងដែរ។
ក្នុងសន្និសីទសារព័ត៌មានស្ដីពីកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានានៅថ្ងៃទី៩ ខែវិច្ឆិកា លោក Nguyen Quoc Dung អនុរដ្ឋមន្រ្តីការបរទេសវៀតណាម និងជាប្រធាន SOM ASEAN របស់វៀតណាមបានឲ្យដឹងថា គិតត្រឹមតែបច្ចុប្បន្ននេះ ការចរចាស្ដីពីកិច្ចព្រមព្រៀង RCEP បានបញ្ចប់រួចហើយ។ ប្រទេសទាំងឡាយកំពុងត្រៀមរៀបចំការចុះហត្ថលេខានៅថ្ងៃទី១៥ ខែវិច្ឆិកាខាងមុខនេះ។
កិច្ចព្រមព្រៀង RCEP មានប្រទេសសមាជិកអាស៊ានទាំង ១០ និងប្រទេសដៃគូសំខាន់ចំនួន ៥ ដែលអាស៊ានបានចុះហត្ថលេខាលើកិច្ចព្រមព្រៀងពាណិជ្ជកម្មសេរីរួមមាន ចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់។ ការចុះហត្ថលេខាលើកិច្ចព្រមព្រៀង RCEP នឹងបង្កើតទីផ្សារមួយដោយមានអតិថិជនប្រមាណ ៣.៥ ពាន់លាននាក់ និង GDP ប្រមាណ ៤៩,០០០ ពាន់លានដុល្លារអាមេរិក ស្មើនឹង ៣៩% នៃ GDP របស់ពិភពលោក៕
(ប្រភពព័ត៌មាន: kh.qdnd.vn)
មតិពីមិត្តអ្នកអាន