យុគសម័យ - លោក Tedros Adhanom Ghebreyesus បានអំពាវនាវឱ្យមានការសម្របសម្រួលនិងកិច្ចសហប្រតិបត្តិការអន្តរជាតិដើម្បីទប់ទល់នឹងការផ្ទុះឡើងនៃជំងឺរាតត្បាត Covid-19 នៅលើពិភពលោកទាំងមូល។
អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus (រូបថត៖ AFP)
នាថ្ងៃទី ១០ ខែមីនា អគ្គនាយកអង្គការសុខភាពពិភពលោក (WHO) លោក Tedros Adhanom Ghebreyesus បានអំពាវនាវឱ្យមានការសម្របសម្រួលនិងកិច្ចសហប្រតិបត្តិការអន្តរជាតិក្នុងកិច្ចខិតខំប្រឹងប្រែងដើម្បីទប់ទល់នឹងការផ្ទុះឡើងនៃជំងឺរាតត្បាត Covid-19 នៅលើពិភពលោកទាំងមូល។
លោក Ghebreyesys បានឲ្យដឹងថា អង្គការសុខភាពពិភពលោក បានពិភាក្សាជាមួយមេដឹកនាំនៃក្រុម G20 ហើយនឹងបន្តធ្វើដូច្នេះ ដោយចាត់ទុកនេះគឺជាវិធីទាក់ទងនឹងការសម្របសម្រួល។ លោក Ghebreyesus បានបន្តថាយន្ដការសម្របសម្រួលផ្សេងទៀតគឺជាអង្គការនយោបាយក្នុងតំបន់ ដែលអង្គការសុខភាពពិភពលោកកំពុងសហការ ដូចជាសហភាពអឺរ៉ុប សហភាពអាហ្រ្វិកនិងសមាគមប្រជាជាតិអាស៊ីអាគ្នេយ៍ (អាស៊ាន) និងអង្គការផ្សេងៗទៀតផងដែរ៕
នាថ្ងៃដដែលនោះ អង្គការពាណិជ្ជកម្មពិភពលោក (WTO) បាននិយាយថានឹង ពន្យាពេលរាល់ការប្រជុំចាប់ពីពេលនេះរហូតដល់ថ្ងៃទី ២០ ខែមីនាខាងមុខនេះបន្ទាប់ពីនិយោជិកនៃទីភ្នាក់ងារនេះបានផ្ទុកជំងឺរាតត្បាតកូវីដ១៩តែម្តង៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន