នៅក្នុងសន្និសីទសារព័ត៌មានជាប្រចាំស្តីពីជំងឺកូវីដ ១៩ នៅក្នុងសប្ដាហ៍នេះ ដែលបើកធ្វើនៅអង្គការសុខភាពពិភពលោក អ្នកទទួលខុសត្រូវមានពាក់ព័ន្ធ នៃអង្គការសុខភាពពិភពលោក បានថ្លែងថាប្រភេទវីរុស កូវីដ១៩ ដែលបានរកឃើញ នៅក្រុងប៉េកាំង មានទំនាក់ទំនងជិតស្និទជាមួយនឹងប្រភេទវីរុសដែលបានរីក រាលដាលនៅទ្វីបអឺរ៉ុប ។
ការបាញ់ថ្នាំសម្លាប់មេរោគ នៅទីក្រុងប៉េកាំង។ (រូបថត៖ freshnewsasia)
លោក Michael Ryan អ្នកទទួលខុសត្រូវគម្រោងបន្ទាន់ផ្នែកសុខាភិបាល នៃអង្គការសុខភាពពិភពលោក បានថ្លែងថា ពេលបច្ចុប្បន្ន មានការរីករាលដាលនៃ វីរុសប្រភេទខុសគ្នា មិនតំណាងថាជំងឺឆ្លងមកពីទ្វីបអឺរ៉ុបនោះទេ តែវីរុសកូវីដ១៩ដែលបានរកឃើញនៅក្រុងប៉េកាំង លើកនេះ មានលទ្ធភាពនាំចូលពីតំបន់ក្រៅ ទីក្រុង ប៉េកាំង។
សូមរំលឹកថា ផ្សារស៊ីនហ្វាឌីក្នុងក្រុងប៉េកាំងដែលជាផ្សារលក់ដុំ ពិសេសបន្លែ និងផ្លែឈើបានជាប់សង្ស័យជាប្រភពនៃការផ្ទុះការឆ្លងរាលដាលថ្មីនៃជំងឺកូវីដ-១៩។ មេរោគមួយនេះត្រូវបានគេរកឃើញនៅលើជ្រុញសម្រាប់កាត់ត្រីសូម៉ុងដែលនាំចូល។ តែព័ត៌មានថ្មីមួយដែលរដ្ឋអំណាចក្រុងប៉េកាំងបានផ្សព្វផ្សាយជាសាធារណៈដោយបានបញ្ជូនទៅឲ្យអង្គការសុខភាពពិភពលោក និងក្រុមអ្នកវិទ្យាសាស្រ្តបរទេសនាយប់ថ្ងៃព្រហស្បតិ៍ឆ្លងចូលថ្ងៃសុក្រ ទី១៩ មិថុនា គឺទាក់ទងនឹងប្រភេទហ្សែនរបស់កូវីដ-១៩ ដែលកំពុងចរាចរណ៍ក្នុងក្រុងប៉េកាំងពេលនេះ។
បច្ចុប្បន្ន រឿងដ៏សំខាន់គឺកំណត់ពេលវេលា និងខ្សែសង្វាក់រីករាលដាលនៃវីរុស អង្គការសុខភាពពិភពលោករីករាយមើលឃើញការស៊ើបអង្កេតយ៉ាងទូលំទូលាយ ដែលចាត់ចែងដោយទីក្រុងប៉េកាំង ដើម្បីធានាដល់ការស្វែងរកប្រភពនៃការរីករាលដាលនៃជំងឺឆ្លងជាចង្កោម៕
(បូកសរុបដោយឌីណា)
មតិពីមិត្តអ្នកអាន