ក្រុមចម្រុះយោធាដឹកនាំដោយក្រុងរីយ៉ាដ បាននិយាយថា ប្រព័ន្ធការពារដែនអាកាសអារ៉ាប៊ី សាអ៊ូឌីត ចាប់បានដ្រូនមួយគ្រឿងរបស់ក្រុមឧទ្ទាមយេម៉ែន ដោយបានយកតំបន់លំនៅដ្ឋានមួយនៅភាគខាងត្បូងនៃព្រះជាណាចក្រនេះកាលពីថ្ងៃអង្គារ ខណៈដែលកងជីវពលមានទំនាក់ទំនងជាមួយអុីរ៉ង់បានបង្កើនការវាយប្រហារឆ្លងព្រំដែន។
ច្រកចូលព្រលានយន្តហោះ Abha ជាទីដែលរងការវាយប្រហារមីស៊ីលរបស់ក្រុមឧទ្ទាមហ៊ូធីកាលពីថ្ងៃទី ១២ ខែ មិថុនា។ AFP
អ្នកនាំពាក្យក្រុមចម្រុះបាននិយាយថា ដ្រូននោះ បានយកតំបន់មានប្រជាជនច្រើននៅក្នុងក្រុង Khamis Mushait ដែលមានមូលដ្ឋានទ័ពអាកាសត្រូវបានគេប្រើប្រាស់ជាកន្លែងឈរជើងមួយសម្រាប់យុទ្ធនាការវាយប្រហាររបស់ក្រុមចម្រុះនៅក្នុងប្រទេសយេម៉ែន។
នៅក្នុងសេចក្តីថ្លែងការណ៍មួយ ដែលត្រូវបានចេញផ្សាយប្រព័ន្ធផ្សាយអារ៉ាប៊ី សាអ៊ូឌីតនោះ លោកមិនបានរាយការណ៍អំពីការខូតខាតឬមានអ្នកស្លាប់ ឬរងរបួសទេ។
ក្រុមឧទ្ទាម ហ៊ូធី បានអះអាងថា ការវាយប្រហារដោយប្រើដ្រូនទៅលើអគារទុកយន្តហោះនិងទីតាំងឈរជើងរបស់យោធានៅព្រលានយន្តហោះ ២ នៅក្នុងក្រុង Abha និងក្រុង Jizan៕
（យោងតាម freshnewsasia.com）
មតិពីមិត្តអ្នកអាន