ប្រធានាធិបតីឥណ្ឌូណេស៊ីលោក Joko Widodo បានស្នើជាផ្លូវការទៅកាន់សភាពីផែនការផ្លាស់ប្ដូររដ្ឋធានីនៃប្រទេសនេះពី កោះជ្វាដ៏សែនចង្អៀតទៅកាន់កាលីម៉ាន់តាន់ នៃកោះប័រណេអូ។
កាលីម៉ាន់តាន់ (ពណ៌ក្រហម) (រូបថត៖ news.sabay.com.kh)
លោកបាននិយាយក្នុងសុន្ទរកថាថា " ខ្ញុំសុំការអនុញ្ញាតពីអស់លោកអ្នក ដើម្បីផ្លាស់ប្ដូររដ្ឋធានីទៅកាន់កាលីម៉ាន់តាន់ " ។លោកបានបន្តថា " រដ្ឋធានីមិនត្រឹមតែជានិមិត្តរូបនៃអត្តសញ្ញាណជាតិទេ ប៉ុន្តែវាក៏តំណាងឲ្យភាពលូតលាស់នៃជាតិផងដែរ " ។យ៉ាងណាមិញ លោកមិនបានបញ្ជាក់ពីទីកន្លែងពិតប្រាកដនៃរដ្ឋធានីថ្មីនោះទេ។
គួរបញ្ជាក់ផងដែរថា កោះកាលីម៉ាន់តាន់ជាផ្នែកមួយនៃកោះប័រណេអូ ដែលជាកោះធំជាងគេលំដាប់ទី២ នៅអាស៊ី និងលំដាប់ទី៣ នៅពិភពលោក។ នៅកាលីម៉ាន់តាន់ មានប្រជាជនតែ ១៥លាននាក់ប៉ុណ្ណោះ កាលពីឆ្នាំ២០១៥។ កោះនេះសម្បូរទៅដោយរ៉ែជាច្រើនដូចជា បុកស៊ីត នីកែល ធ្យូងថ្ម ជាដើម៕
(ប្រភព៖ news.sabay.com.kh ហេង វុធ្ធីសរុប)
មតិពីមិត្តអ្នកអាន