ប្រធានាធិបតីអាមេរិក លោក ដូណាល់ ត្រាំ,ប្រធានាធិបតីអាមេរិក លោក ដូណាល់ ត្រាំ បានធ្វើដំណើរមកដល់ប្រទេសឥណ្ឌា ដើម្បីចាប់ផ្តើមដំណើរទស្សនកិច្ចរយៈពេល ២ថ្ងៃ ក្រោមការទទួលស្វាគមន៍ដោយផ្ទាល់របស់នាយករដ្ឋមន្រ្តីឥណ្ឌា លោក ណារិនដ្រា ម៉ូ។
លោកប្រធានាធិបតីអាមេរិកនិងនាយករដ្ឋមន្រ្តីឥណ្ឌា លោក ណារិនដ្រា ម៉ូ។
ដំណើរទស្សនកិច្ចផ្លូវរបស់លោក ត្រាំ មកកាន់ប្រទេសឥណ្ឌាជាលើកដំបូង ត្រូវគេរំពឹងថានឹងផ្តោតសំខាន់ទៅលើការធ្វើឲ្យកាន់តែស៊ីជម្រៅ នូវចំណងទាក់ទងរវាងប្រទេសប្រជាធិបតេយ្យដ៏ធំបំផុតទាំងពីរ។ យន្តហោះ Air Force One របស់លោក ដូណាល់ ត្រាំ បានមកចុះមកដល់ អាកាសយានដ្ឋានក្នុងទីក្រុង Ahmedabad នៃរដ្ឋ Gujarat ដែលជាទីកន្លែងកំណើត របស់ លោក ណារិនដ្រា ម៉ូឌី។
នៅទីនោះ លោកប្រធានាធិបតីអាមេរិក ត្រូវគេរំពឹងថា នឹងធ្វើការថ្លែងសុន្ទរកថានៅឯកីឡដ្ឋានដ៏ធំមួយ ក្នុងពិធីស្វាគមន៍ដែលត្រូវបានរៀបចំ ឡើងដើម្បីទទួលដំណើរទស្សនកិច្ចរបស់លោកហៅថា «Namaste Trump» ជាមួយមនុស្សម្នាចូលរួមយ៉ាងហោចដល់ទៅ១០០,០០០នាក់ ។ កំឡុងដំណើរទស្សនកិច្ចរបស់លោក ម៉ូឌី ទៅកាន់សហរដ្ឋអាមេរិក កាលពីឆ្នាំមុន ក៏មានពិធីស្វាគមន៍យ៉ាងឱឡារិកស្រដៀងគ្នានេះដែរ។
គួរជម្រាបថា បន្ទាប់មកទៀត លោក ត្រាំ និងភរិយា នឹងបន្តដំណើរទៅទស្សនាប្រាសាទដ៏ល្បីល្បាញរបស់ប្រទេសឥណ្ឌាគឺ Taj Mahal ដែល ស្ថិតក្នុង Agra ហើយនៅថ្ងៃអង្គារ លោក នឹងជួបពិភាក្សាការងារជាមួយលោក ម៉ូឌី នៅរដ្ឋធានីញូដេលី៕
（ប្រភពព័ត៌មាន៖ freshnewsasia）
មតិពីមិត្តអ្នកអាន