យុគសម័យ - នាថ្ងៃ ២០ ខែមិថុនា ប្រធានរដ្ឋ ចិនលោក ស៊ី ជិនពីង បានទៅដល់រដ្ឋធានីព្យុងយ៉ាងហើយ ដើម្បីចាប់ផ្តើមដំណើរទស្សនកិផ្លូវរដ្ឋពីរថ្ងៃជាលើកដំបូង។
មេដឹកនាំកូរ៉េខាងជើងលោក Kim Jong-un និង ប្រធានរដ្ឋចិនលោក ស៊ី ជិនពីង
យោងតាមការចេញផ្សាយដោយសារព័ត៌មានរដ្ឋចិន (CCTV) ប្រធានរដ្ឋចិនលោក ស៊ី ជិនពីង បានទៅដល់រដ្ឋធានីព្យុងយ៉ាងដើម្បីចាប់ផ្តើមដំណើរទស្សនកិផ្លូវរដ្ឋពីរថ្ងៃ តាមការអញ្ជើញរបស់មេដឹកនាំកូរ៉េខាងជើងលោក Kim Jong-un។
ដំណើរទស្សនកិច្ចនេះនឹងធ្វើឱ្យលោក ស៊ី ជិនពីង កា្លយជាប្រធានរដ្ឋចិនដំបូងគេដែលធ្វើដំណើរ ទៅកាន់កូរ៉េខាងជើងអស់រយៈពេលជាង ១៤ឆ្នាំមកនេះ។ ប្រទេសចិននិងកូរ៉េខាងជើងបានសហការយ៉ាងសកម្មដើម្បីលើកកម្ពស់ទំនាក់ទំនងទ្វេភាគីនៅក្នុងប៉ុន្មានឆ្នាំចុងក្រោយនេះ បន្ទាប់ពីទំនាក់ទំនងនេះត្រូវបានរងផលប៉ះពាល់យ៉ាងធ្ងន់ធ្ងរនៅពេលដែលក្រុងប៉េកាំងបានគាំទ្រការដាក់ទណ្ឌកម្មរបស់ក្រុមប្រឹក្សាសន្តិសុខអង្គការសហប្រជាជាតិប្រឆាំងនឹងទីក្រុងព្យុងយ៉ាងទាក់ទងនឹងសកម្មភាពនុយក្លេអ៊ែររបស់ប្រទេសនេះ។
គួរបញ្ជាក់ថា លោក ស៊ី ជិនពីង និងលោក គីម ជុងអ៊ុន ធ្លាប់ជួបគ្នា០៤លើករួចមកហើយ នៅលើទឹកដីចិនកាលពីឆ្នាំ២០១៨ ហើយជំនួបរវាងមេដឹកនាំទាំងពីរនៅលើកនេះ ធ្វើឡើងនៅមុនពេលលោក ស៊ី ត្រូវជួបជាមួយលោក ដូណាល់ ត្រាំ នៅកិច្ចប្រជុំ G20 ក្នុងប្រទេសជប៉ុននៅសប្ដាហ៍ក្រោយ។ ដោយឡែកបើតាមក្រុមមន្ត្រីចិន លោក ស៊ី និងលោក គីម នឹងពិភាក្សាគ្នាដោយផ្ដោតសំខាន់លើ ទំនាក់ទំនងទ្វេភាគីរវាងប្រទេសទាំងពីរ និងស្ថានភាពបច្ចុប្បន្ននៅលើឧបទ្វីបកូរ៉េ៕
(យោងតាម akp.gov.kh ប្រែសម្រូលដោយវិច្ឆិកា)
មតិពីមិត្តអ្នកអាន