យុគសម័យ - ទីភ្នាក់ងារសវនកម្មនៃព្រះរាជាណាចក្រស៊ុយអ៊ែត (NAO) បានយល់ព្រមសហការជាមួយអាជ្ញាធរនៃប្រទេសអាស៊ីអាគ្នេយ៍ចំនួន ១០ តាមរយៈអង្គការ ASEANSAI។
ប្រទេសស៊ុយអែតគាំទ្រអាស៊ានក្នុងវិស័យសវនកម្ម៕
តាមរយៈកិច្ចព្រមព្រៀងសហប្រតិបត្តិការនេះ រដ្ឋាភិបាលស៊ុយអែតនឹងសហការនិងចែកចាយឯកសារស្រាវជ្រាវដល់ភ្នាក់ងារសវនកម្មនៃប្រទេសអាស៊ានចំនួន ១០ ក្នុងពេលតែមួយ។
អគ្គសវនករស៊ុយអែត លោកស្រី Helena Lindberg បានឲ្យដឹងថាកិច្ចសហប្រតិបត្តិការរបស់ទីភ្នាក់ងារសវនកម្មនឹងនាំមកនូវលទ្ធផលវិជ្ជមាន។ តាមរយៈការពង្រឹងសមត្ថភាពក្នុងតំបន់អង្គការ NAO សង្ឃឹមថានឹងពង្រឹងការគ្រប់គ្រងធនធាននិងប្រសិទ្ធភាពថែមទៀត។
អង្គការ NAO ធ្លាប់បានសហការជាមួយប្រទេសមួយចំនួនដូចជាបាល់កង់អាហ្វ្រិកនិងអាស៊ី។
កិច្ចសហប្រតិបត្តិការសវនកម្ម ស៊ុយអែត - អាស៊ាននឹងបញ្ចប់នៅឆ្នាំ ២០២២ ៕
(ប្រែសម្រូលដោយវិច្ឆិកា)
មតិពីមិត្តអ្នកអាន