យុគសម័យ - រដ្ឋលេខាធិការ Motegi បានគូសបញ្ជាក់ពីភាពចាំបាច់ក្នុងការប្រកាន់ខ្ជាប់នូវច្បាប់និងបទបញ្ញត្តិនានាដើម្បី “យើងបង្កើតបរិយាកាសសង្គមនិងសេដ្ឋកិច្ចប្រកបដោយស្ថេរភាពនិងទទួលបានវិបុលភាព” ។
រដ្ឋមន្រ្តីក្រសួងការបរទេសជប៉ុន Toshimitsu Motegi នៅទីស្នាក់ការ សមាគមប្រជាជាតិអាស៊ីអាគ្នេយ៍ (អាស៊ាន)។ (ប្រភព៖ en.tempo.co)
ការថែរក្សានិងគោរពច្បាប់អន្តរជាតិគឺជាធាតុសំខាន់ ក្នុងការធានាវិបុលភាពក្នុងតំបន់មហាសមុទ្រឥណ្ឌា - ប៉ាស៊ីហ្វិក។
សេចក្តីថ្លែងការណ៍នេះត្រូវបានធ្វើឡើងដោយរដ្ឋមន្រ្តីក្រសួងការបរទេសជប៉ុន Toshimitsu Motegi នៅថ្ងៃទី ១០ ខែមករា នៅក្នុងសុន្ទរកថាមួយនៅឯទីស្នាក់ការ សមាគមប្រជាជាតិអាស៊ីអាគ្នេយ៍ (អាស៊ាន) នៅទីក្រុងហ្សាការតា (ឥណ្ឌូណេស៊ី) ។
រដ្ឋលេខាធិការ Motegi បានគូសបញ្ជាក់ពីភាពចាំបាច់ក្នុងការប្រកាន់ខ្ជាប់នូវច្បាប់និងបទបញ្ញត្តិនានាដើម្បី “យើងបង្កើតបរិយាកាសសង្គមនិងសេដ្ឋកិច្ចប្រកបដោយស្ថេរភាពនិងទទួលបានវិបុលភាព” ។
លោកក៏បានសង្កត់ធ្ងន់ជាពិសេសពីសារសំខាន់នៃការរក្សាសេរីភាពនាវាចរណ៍ក្នុងតំបន់និងការដោះស្រាយជម្លោះដែនសមុទ្រដោយសន្តិវិធី។
លោកបានអបអរសាទរអាស៊ានកាលពីឆ្នាំមុនដែលបានអនុម័តនូវ «ទស្សនវិស័យមហាសមុទ្រឥណ្ឌា - ប៉ាស៊ីហ្វិក» ជាមួយនឹងការប្តេជ្ញាចិត្ត ក្នុងការដើរតួនាទីនាំមុខក្នុងការលើកកម្ពស់សន្តិសុខនិងកំណើនសេដ្ឋកិច្ចក្នុងតំបន់។
លោកបានមានប្រសាសន៍ថា “អាស៊ានមានគោលបំណងដើម្បីក្លាយជាចំណុចកណ្តាលនៃតំបន់មហាសមុទ្រឥណ្ឌា - ប៉ាស៊ីហ្វិកទាំងមូល (ទស្សនវិស័យនេះ) សំដៅទៅលើខ្លឹមសារពាក់ព័ន្ធនឹងតួនាទីនេះរួមទាំងការតភ្ជាប់និងកិច្ចសហប្រតិបត្តិការតាមសមុទ្រ”
នៅក្នុងសេចក្តីថ្លែងការណ៍របស់លោករដ្ឋមន្ត្រីការបរទេស Motegi ក៏បានលើកឡើងពីសសរស្តម្ភចំនួន ៣ ក្នុងទំនាក់ទំនងរវាងជប៉ុននិងអាស៊ាននាពេលអនាគតរួមទាំងកិច្ចសហប្រតិបត្តិការលើវិស័យអភិវឌ្ឍន៍ធនធានមនុស្ស បង្កើតក្របខ័ណ្ឌដូចជាភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងចែករំលែកចំនេះដឹងនៅក្នុងវិស័យដូចជាការអភិវឌ្ឍន៍ហេដ្ឋារចនាសម្ព័ន្ធ។
ប្រទេសជប៉ុនបានសន្យាផ្តល់ជំនួយចំនួន ៣ ពាន់លានដុល្លារតាមរយៈប្រាក់កម្ចីនិងការវិនិយោគនៅក្នុងបណ្តាប្រទេសអាស៊ានក្នុងរយៈពេល ៣ ឆ្នាំខាងមុខដើម្បីកែលម្អហេដ្ឋារចនាសម្ព័ន្ធផ្តល់សិទ្ធិអំណាចដល់ស្ត្រីនិងការពារបរិស្ថានធម្មជាតិ។
ប្រទេសឥណ្ឌូណេស៊ីគឺជាកន្លែងឈប់សំចតចុងក្រោយនៅលើដំណើរទស្សនកិច្ចប្រទេសចំនួនបួនរបស់រដ្ឋមន្រ្តីក្រសួងការបរទេស Motegi នៅអាស៊ីអាគ្នេយ៍។ មុននេះលោកបានអញ្ជើញបំពេញទស្សនកិច្ចនៅប្រទេសវៀតណាមថៃនិងហ្វីលីពីន៕
(ប្រែសម្រូលដោយវិច្ឆិកា)
មតិពីមិត្តអ្នកអាន