យុគសម័យ - ការត្រៀមរៀបចំសន្និសីទដោយផ្ទាល់នានាតាមបញ្តាញអ៊ីធឺណិតរបស់អាស៊ាន អង្គការពាណិជ្ជកម្មពិភពលោក អង្គការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) និង RCEP គ្រោងនឹងប្រារព្ធឡើងនៅដើមឆ្នាំនេះ ត្រូវតែផ្អាកតែម្តង
កិច្ចប្រជុំកំពូលស្តីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) លើកទី ៣ នៅទីក្រុងបាងកក / ណុនបួរីប្រទេសថៃ កាលពីថ្ងៃទី ៤ ខែវិច្ឆិកាឆ្នាំ ២០១៩ (រូបថត៖ VNA)
នាថ្ងៃទី ២០ ខែមីនា ប្រព័ន្ធផ្សព្វផ្សាយថៃបានផ្សាយថា ដៃគូសន្ទនារបស់អាស៊ាននៅតែប្តេជ្ញាចិត្តចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) នៅចុងឆ្នាំ២០២០នេះ ទោះបីជាមានការប្រឈមនឹងការរីករាលដាលនៃវីរុស SARS-CoV2 ក៏ដោយដែលធ្វើឲ្យការត្រៀមរៀបចំសន្និសីទដោយផ្ទាល់នានាតាមបញ្តាញអ៊ីធឺណិតរបស់អាស៊ាន អង្គការពាណិជ្ជកម្មពិភពលោក អង្គការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) និង RCEP ដែលគ្រោងនឹងប្រារព្ធឡើងនៅដើមឆ្នាំនេះ ត្រូវតែផ្អាកតែម្តង។
យោងតាម លោក Auramon Supthaweethum ប្រធាននាយកដ្ឋានចរចាពាណិជ្ជកម្មនៃក្រសួងពាណិជ្ជកម្មថៃបានឲ្យដឹងថា ស្ថាប័ននេះបានកែសម្រួលផែនការនៃការចរចាពាណិជ្ជកម្មក្នុងរដូវជំងឺរាត្បាតនេះ តាមរយៈសន្និសីទវីដេអូអនឡាញ់ ដើម្បីចរចាជាមួយដៃគូសន្ទនានានាផងដែរ។
សន្និសីទនៃគណៈកម្មាធិការចរចាពាណិជ្ជកម្ម RCEP លើកទី ២៩ ដែលគ្រោងធ្វើនៅថ្ងៃទី ២៣ដល់ថ្ងៃទី២៧ ខែមីនានៅទីក្រុងហ្សាការតា ប្រទេសឥណ្ឌូនេស៊ីក៏នឹងត្រូវធ្វើឡើងក្នុងទម្រង់នៃការធ្វើសន្និសីទវីដេអូតាមអ៊ិនធឺណិតផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន