ទំនាក់ទំនងចិន - អាស៊ានគឺជាទំនាក់ទំនងមានភាពរស់រវើកបំផុត

លោក Zhao Lijian អ្នកនាំពាក្យក្រសួងការបរទេសចិន

លោក Zhao Lijian បានបញ្ជាក់ថាដោយមានការខិតខំប្រឹងប្រែងរបស់ភាគីទាំងពីរទំនាក់ទំនងចិន - អាស៊ានបានឈានចូលដំណាក់កាលថ្មីនៃការអភិវឌ្ឍន៍លើគ្រប់វិស័យ។ ប្រទេសចិននិងអាស៊ានមិនត្រឹមតែសហការគ្នាបានល្អក្នុងការឆ្លើយតបទៅនឹងការរីករាលដាល ស្ថេរភាពសេដ្ឋកិច្ច និងធានាបាននូវជីវភាពរស់នៅរបស់ប្រជាជនប៉ុណ្ណោះទេ ថែមទាំងបង្កើននូវអត្ថន័យនៃទំនាក់ទំងភាពជាដៃគូយុទ្ធសាស្ត្ររវាងភាគីទាំងពីរផងដែរ។ អ្នកនាំពាក្យក្រសួងការបរទេសចិនបានបន្ថែមទៀតថា ក្នុងបរិបទនៃសេដ្ឋកិច្ចពិភពលោកដែលរងផលប៉ះពាល់យ៉ាងធ្ងន់ធ្ងរដោយការរីករាលដាលនៃជំងឺ Covid-19 កិច្ចសហប្រតិបត្តិការសេដ្ឋកិច្ចចិន - អាស៊ាននៅតែជាចំណុចលេចធ្លោមួយនៅក្នុងរយៈពេល ៦ ខែដំបូងនៃឆ្នាំ ២០២០ អាស៊ានគឺជាដៃគូពាណិជ្ជកម្មធំបំផុតរបស់ប្រទេសចិនដែលមានទំហំពាណិជ្ជកម្មទ្វេភាគីសរុបចំនួន ២៩៧,៨ ពាន់លានដុល្លារអាមេរិក (ស្មើនឹង ១៤,៧% នៃពាណិជ្ជកម្មសរុបរបស់ចិនជាមួយប្រទេសផ្សេងទៀត)។ លោក Zhao Lijian បានសង្ឃឹមថានៅឆ្នាំ ២០២១ ដើម្បីអបអរសាទរខួបលើកទី ៣០ នៃការបង្កើតទំនាក់ទំនងភាពជាដៃគូសន្ទនា ភាគីទាំងពីរនឹងបន្តជំរុញកិច្ចសហប្រតិបត្តិការដែលមានសារសំខាន់ថែមទៀតលើគ្រប់វិស័យដែលនាំទំនាក់ទំនងទ្វេភាគីដើម្បីឈានដល់កម្រិតថ្មីមួយផងដែរ។

ដោយវាយតំលៃស៊េរីនៃកិច្ចប្រជុំរដ្ឋមន្រ្តីការបរទេសអាស៊ីបូព៌ានៅពេលនេះ លោក Zhao Lijian បានមានប្រសាសន៍ថា“ នៅក្នុងបរិបទនៃការរីករាលដាលនៃជំងឺរាតត្បាតនៅតែបន្តកើតមាននៅលើពិភពលោកនិងក្នុងតំបន់ភាគីទាំងអស់ត្រូវប្រឈមមុខគ្នាចំនួនពីរ ជាអាទិ៍ បញ្ហាប្រឈមចម្បងគឺទាំងការពារទប់ស្កាត់នឹងជំងឺរាតត្បាតនិងទាំងការស្តារសេដ្ឋកិច្ចឡើងវិញផងដែរ។ ប្រទេសចិនសង្ឃឹមថាកិច្ចប្រជុំរដ្ឋមន្ត្រីការបរទេសកិច្ចសហប្រតិបត្តិការអាស៊ីបូព៌ានេះ នឹងផ្តោតលើប្រធានបទសំខាន់ពីរនៃចំណងសាមគ្គីភាពដើម្បីប្រឆាំងនឹងជំងឺរាតត្បាតរួមទាំងពិភាក្សាគ្នាទៅវិញទៅមកលើកិច្ចសហប្រតិបត្តិនៃការអភិវឌ្ឍន៍ផងដែរ”៕

（បកប្រែដោយ ហេងវុធ្ធី）

（ប្រភពព័ត៌មាន: vov.vn）

（បកប្រែដោយ ហេងវុធ្ធី）