យុគសម័យ - នាថ្ងៃទី២៥ខែកញ្ញា ប្រធានាធិបតីកូរ៉េខាងត្បូង លោក Moo Jae-in និងនាយករដ្ឋមន្ត្រីជប៉ុន លោក Shizo Abe បានជួបពិភាក្សាការងារនៅខាងក្រៅកិច្ចប្រជុំនៃមហាសន្និបាតអង្គការសហប្រជាជាតិនីតិកាលទី៧៣ ដែលបានប្រារព្វនៅទីក្រុងញូយ៉ក (អាមេរិក)។
ជំនួបពិភាក្សារវាង ប្រធានាធិបតីកូរ៉េខាងត្នូង លោក Moo Jae-in (ខាងស្តាំ) ជាមួយនាយករដ្ឋមន្ត្រីជប៉ុន លោក Shizo Abe បានធ្វើឡើងនៅខាងក្រៅកិច្ចប្រជុំមហាសន្និបាតអង្គការសហប្រជាជាតិនីតិកាលទី៧៣ (រូបថតៈ TTXVN)
ប្រធានាធិបតីកូរ៉េខាងត្បូងលោក Moo Jae-in និងនាយករដ្ឋមន្រ្តីជប៉ុន លោក Shizo Abe បានជួបប្រជុំគ្នា នៅទីក្រុងញ៉ូវយ៉ក សម្រាប់កិច្ចចរចាស្តីអំពីមធ្យោបាយ នានាក្នុងការពង្រឹងចំណងទាក់ទងនៃភាគីទាំងពីរ និងការធ្វើឱ្យប្រសើរឡើងនូវកិច្ចខិតខំប្រឹងប្រែងរួមគ្នារបស់ប្រទេសទាំងពីរ ដើម្បីជម្រុញឲ្យ កូរ៉េខាងជើងលប់បំបាត់អាវុធនុយក្លេអ៊ែររបស់ខ្លួន។
ក្នុងជំនួបនេះ ប្រធានាធិបតីកូរ៉េខាងត្បូង លោក Moo Jae-in បានគូសបញ្ជាក់ពីសារៈសំខាន់នៃកិច្ចទំនាក់ទំនង ដែលកាន់តែប្រសើរឡើងរវាងប្រទេសជប៉ុន និងកូរ៉េខាងជើង ក្នុងការបង្កើនល្បឿនបន្ថែមទៀត សម្រាប់ដំណើរការការធ្វើមិនឱ្យមាននុយក្លេអ៊ែររបស់កូរ៉េខាងជើង។
លោក Moon បានជឿជាក់ថា ការធ្វើឱ្យទៅជាធម្មតាឡើងវិញ នៃកិច្ចទំនាក់ទំនង កូរ៉េខាងជើង-ជប៉ុន គឺបានតម្រូវឱ្យមានដំណើរការនៃការស្ថាបនានូវសន្តិភាព នៅលើឧបទ្វីបកូរ៉េ ហើយលោកនឹងគាំទ្រ និងធ្វើកិច្ចសហប្រតិបត្តិការយ៉ាងសកម្ម ដូចជាការធ្វើកិច្ចប្រជុំកំពូលកូរ៉េខាងជើង-ជប៉ុនមួយ នឹងត្រូវបានធ្វើឡើងនាពេលឆាប់ៗនេះផងដែរ។
រីឯនាយករដ្ឋមន្ត្រីជប៉ុន លោក Shizo Abe បានថ្លែងអំណរគុណដល់ប្រធានាធិបតីកូរ៉េខាងត្បូងសម្រាប់ការលើកឡើងនូវបញ្ហានៃបណ្តាពលរដ្ឋជប៉ុន ដែលបានចាប់ឃុំឃាំងដោយកូរ៉េខាងជើង កាលពីប៉ុន្មានឆ្នាំ១៩៧០និង១៩៨០នៅក្នុងកិច្ចប្រជុំនាពេលកន្លងទៅ។ លោក Abe ព្រមទាំងសង្ឃឹមថា នឹងមានឱកាសចូលរួមកិច្ចពិភាក្សាផ្ទាល់ជាមួយព្យុងយ៉ាងដើម្បីដោះស្រាយនូវបញ្ហានេះ៕
(បកប្រែដោយ មិញ អាញ់)
មតិពីមិត្តអ្នកអាន